गरिमा जातको धान नपसाएपछि बर्दियाका किसान मर्कामा

कात्तिक ७, २०७६ बिहीबार १७:४७:१५ | भावुक योगी

बर्दिया - बर्दियाको राजापुर नगरपालिका, ठाकुरबाबा नगरपालिका, बढैयाताल गाउँपालिकालगायतका अधिकाँश ठाउँमा गरिमा नामकाे धान पाक्ने बेलामा पनि नपसाएपछि कृषकहरु मर्कामा परेका छन् ।

बर्दियाको ठाकुरबाबा नगरपालिकामा गरिमा नामकाे धान पाक्ने बेलामा पनि नपसाएपछि कृषकका खेतहरुमै पुगेर प्रारम्भिक लगत संकलनको काम सुरु भएको छ । धान काटेर भित्र्याउने बेला पनि धान नपसाएपछि धेरै किसान अहिले समस्यामा परेका छन् ।

ठाकुरबाबा नगरपालिकामा झण्डै ६० बिगाहा जग्गामा गरिमा जातको धान लगाइएको थियो । ६० बिगाहामा लगाइएको धान नपसाएपछि किसान मर्कामा परेका हुन् । गरिमा नामकाे धानको बीउ भारतबाट आयातित हाइब्रिड जातको धानको बीउ हो । २०७२ सालमा नेपाल सरकारले यो धानलाई पञ्जीकरण गरेको थियो । विगतका वर्षहरुमा यो धान राम्रो उत्पादन हुँदै आएको बताइन्छ ।

धान खेतमा अहिले फौजी किराको समेत प्रकोप देखिएको छ । पछिल्लो समय यो किराको प्रकोप अत्यधिक मात्रामा देखिएको छ ।

ढिला पाक्ने धानमा यो किराले क्षति पुर्‍याइरहेको पाइएको छ । यो किरा दिउँसोमा नदेखिने र रातमा क्षति पुर्‍याउने गरेको पाइएको छ । यस्तै यो किराको प्रकोपबाट बच्न कृषकहरुले धानको दाना अलिअलि पहेँलो भएपछि काटिहाल्नु पर्ने कृषि ज्ञान केन्द्र बाँकेले अनुरोध गरेको जनाइएको छ ।

याे वर्ष गरिमा जातको धान नपसाएकाे साथै फौजी किराको समेत प्रकोप फैलिएपछि अघिल्लाे वर्षभन्दा उत्पादन घट्ने ठाकुरबाबा नगरपालिका कृषि शाखाका प्रमुख धुब्रराज बमले बताउनुभयो ।

यस्तै देशकै धान सुपरजोन क्षेत्र राजापुरमा १६ हजार हेक्टर क्षेत्रफलमा धान खेती गरिन्छ । जसमा बर्सेनि ६३ हजार मेट्रिक टन धान उत्पादन हुने गरेको बताइएको छ । यस वर्ष धान नफलेपछि २ दशमलव ०३ प्रतिशत धान उत्पादकत्व घट्ने अनुमान जोन कार्यालयको छ । भित्र्याउने बेलामा धान नपसाएपछि किसानसँगै सुपरजोन क्षेत्रमा समेत चुनौती थपिएको छ ।

बर्दिया सहित देशभरका अन्य क्षेत्रमा पनि गरिमा जातकाे धानको अवस्था उस्तै छ । जसका कारण यस वर्ष धान उत्पादन घट्ने निश्चित छ । प्राकृतिक रुपमा गवारो किराको प्रकोप झेलिरहेका किसानहरु बीउ व्यापारीबाट ठगिएपछि दोहोरो मर्कामा परेका छन् । धान काट्ने बेलासम्म पनि नफलेपछि किसान समस्यामा परेको राजापुरका सहायक बडघर दिपक चौधरीले बताउनुभयो ।

राजापुरमा लगाइएको धानमा समस्या देखिएपछि प्रदेश नम्बर ५ कृषिमन्त्री आरती पौडेल, बर्दियाका प्रदेश सांसद, कृषि वैज्ञानिक लगायत सरोकारवालाको टोलीले धान लगाइएको क्षेत्रमा अवलोकन तथा अनुगमन गरेको जिल्ला प्रशासन कार्यालय बर्दियाका प्रशासकीय अधिकृत अर्जुन सुवेदीले बताउनुभयो ।

गरिमा जातको धान नपसाएको पाइएकोले पीडितहरुले उजुरी दिएमा सप्लायर्सलाई कारबाही प्रकृया अघि बढाउने र प्रदेश सरकारबाट किसानहरुलाई क्षतिपूर्ति दिलाउन पहल गर्ने मन्त्रीले प्रतिबद्धता जनाउनुभएको प्रशासकीय अधिकृत सुवेदीले बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भावुक योगी

बर्दियाका उज्यालो सहकर्मी भावुक योगी बर्दियाको रेडियो टाइगरमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

गरिमा जातको धान नपसाएपछि बर्दियाका किसान मर्कामा

प्रतिकात्मक तस्बिर

तपाईको प्रतिक्रिया