रसुवागढी नाकाबाट भेडाच्याङ्ग्राको आयात घट्यो

कात्तिक ९, २०७६ शनिबार ११:३२:५९ | उज्यालो सहकर्मी

रसुवा – पछिल्लो समय रसुवागढी नाकाबाट भेडाच्याङ्ग्राको आयात घट्दै गएको छ । पछिल्लो पाँच वर्षमा तिब्बतबाट ल्याइने भेडाच्याङ्ग्रा आयात घट्दै गएको व्यापारीले बताएका छन् ।

२०७० साल अघिसम्म वार्षिक पाँच हजारदेखि १० हजारको संख्यामा भेडाच्याङ्ग्रा आयात हुने गरेको व्यापारी दिवाकर न्यौपानले बताउनुभयो । उहाँकाअनुसार भेडाच्याङ्ग्राको मूल्यवृद्धि, सीमामा कडाइ र नेपाल मासुमा आत्मनिर्भर बन्दै गएकाले आयातमा कमी आएको हो । गएको दशैँमा दुई सय ३० ओटा भेडाच्याङ्ग्रा आयात भएकोमा तिहारमा भने ६० ओटा भेडाच्याङ्गा मात्रै आयात भएको छ ।

२०७० सालमा दुई सय दुई, २०७१ मा एक सय ८०, २०७३ मा दुई सय ५०, २०७४ सालमा ५५ तथा २०७५ मा ४ सय ७० ओटा भेडाच्याङ्ग्रा आयात भएको थियो ।
‘दशैँको तुलनामा तिहारमा भेडाच्याङ्ग्रा कम आयात गर्ने गरेका छौँ’, न्यौपानेले भन्नुभयो, ‘तिहारमा माग कम हुन्छ ।’

उहाँले केरुङबाट सुरुमा प्रति भेडाच्याङ्ग्रा सात सय रुपैयाँमा ल्याउनुभएको थियो । अहिले एउटा भेडाच्याङ्ग्राको मूल्य २२ हजार रुपयाँसम्म पर्छ । एक पटकमा एक हजारसम्म भेडाच्याङ्ग्रा आयात गरेको उहाँको भनाइ छ ।

नेपाली व्यापारीले केरुङसम्म पुगेर भेडाच्याङ्ग्रा आयात गर्ने गरेका छन् । केरुङसम्म त्यहाँकै व्यापारीले ल्याउँछन् । नेपाली व्यापारी भेडाच्याङ्ग्रा लिन २४ किलोमिटर टाढासम्म पुग्छन् । आयात गरिएको भेडाच्याङ्ग्रा रसुवामा नै बिक्री गरिन्छ ।

गएको वर्षभन्दा अहिले बढी मूल्य परेको, गाडीको चाप र झन्झटिलो भएको कारण समस्या भएको उहाँको भनाइ छ । २०७० सालअघि यो नाकाबाट पाँच हजारदेखि १० हजारसम्म भेडाच्याङ्ग्रा आयात हुने गरेको थियो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्