विश्व विजेता फ्रान्सेली टोलीलाई स्वदेशमा भव्य स्वागत

साउन १, २०७५ मंगलबार ७:२५:९ | उज्यालो सहकर्मी

विश्वकपको उपाधि जितेर स्वदेश फर्किएको फ्रान्सेली टिमलाई भव्य स्वागत गरिएको छ । रसियाबाट साँझतिर घर पुगेको फ्रान्सेली टिमलाई ५ लाख भन्दा बढी समर्थकले स्वागत गरे ।

दोस्रो पटक विश्वकपको ट्रफि सहित विमानस्थलमा ओर्लदा फ्रान्सको टिमको स्वागत समर्थक विमानस्थल बाहिर बाक्लो भिँड लागेको थियो । विमानस्थलमा पनि सरकारी उच्च ओहदाका पदाधिकारीले खेलाडीलाई स्वागत गरेपछि पेरीससम्म पुग्दा पुरै सडकमा लाखौँ समर्थक ओर्लिएका थिए ।

फ्रेन्च भाषामा च्याम्पियन्स खेलेर तयार पारिएको विशेष बसमा खेलाडी जुन बाटोबाट गएका थिए, त्यसको वरपर समर्थकको बाक्लो उपस्थिति रहेको थियो । फ्रान्सको झण्डा बोकेका समर्थक खेलाडीलाई हेर्न निकै लालायित बनेका थिए । जब खेलाडी विमानस्थलबाट पेरीस पुग्ने बाटोबाट गए त्यो खेलाडी समर्थकमा खुसीको सीमा थिएन ।

निकै कडा सुरक्षाका विच खेलाडीलाई पेरीसमा परेड पनि गराइएको थियो । यतिमात्र होइन पेरीसको सडकमा खेलाडी जाँदा फाइटर प्लेनले पनि फ्रान्सको झण्डाको रंगको विशेष सो पनि गरेका थिए । फाईनलमा क्रोयसियालाई हराउदै उपाधि जितेको फ्रान्सेली टिमको जितेको खुसी साँझ ५ बजेबाट सुरु भएर रात भर जस्तै चलेको थियो ।

पेरीसको सडकमा खेलाडी जाने बाटोका लेन पुरै खाली गरिएको थियो भने एक लेनमा पुरै समर्थकले भरिएको थियो । यसका लागि त्यहाँको स्टेटले विशेष सुरक्षाका साथै ट्राफिक व्यवस्थापन पनि पूर्ण रुपमा गरेको थियो ।

नगर परिक्रमा पछि विजेता खेलाडीलाई राष्ट्रपति भवनमा पनि विशेष सम्मान दिइएको थियो । एलसी प्यालेसमा खेलाडीको स्वागतमा भब्य पार्टिको आयोजना गरिएको थियो । जसमा तीन हजार पाहुना आमन्त्रीत थिए ।

जसमध्ये एक हजार भन्दा बढी युवाहरु थिए । यसका साथै फ्रान्सले विश्व विजेता टोलीका हरेक सदस्यलाई देशको सबैभन्दा ठूलो सम्मान दिने भएको छ । उनीहरुलाई लेजियन डी अनरबाट सम्मान गरिने भएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्