क्षमताभन्दा बढी चिज उत्पादन

कात्तिक ११, २०७६ सोमबार १५:२२:७ | उज्यालो सहकर्मी

रसुवा – रसुवाको गोसाईंकुण्ड गाउँपालिका–६, पाङ्लेखर्कमा रहेको चिज उत्पादन केन्द्रले चिज उत्पादन बढाउँदै लगेको छ । वार्षिक १० हजार केजी उत्पादन क्षमता रहेको केन्द्रले क्षमताभन्दा बढी चीज उत्पादन गर्दै आएको छ ।

केन्द्रका अनुसार यो वर्ष ११ हजार केजीभन्दा बढी चिज उत्पादन भएको छ । यो वर्ष ११ हजार ३ सय ८० केजी चिज र ३ हजार ९ सय ५३ केजी मख्खन उत्पादन भएको केन्द्रले जनाएको छ । यही अवधिमा गत वर्ष ११ हजार ६० केजी चिज र ३ हजार ८ सय ५८ केजी मख्खन उत्पादन गरेको थियो ।

यो वर्ष ८७ लाख ५० हजार ५ सय ६५ रुपयाँ मूल्य बराबरको चिज तथा मख्खन उत्पादन भएको केन्द्र प्रमुख जितबहादुर जिरेलले बताउनुभयो । गत वर्ष ६३ लाख २८ हजार २ सय ७७ रुपयाँ मूल्य बराबरको चिज तथा मख्खन उत्पादन गरेको थियो ।

चौरी पाल्ने कृषक बढ्दै गएका कारण उत्पादन पनि बढ्दै गएको उहाँको भनाइ छ । ‘उत्पादन क्षेत्रमा चौरी पाल्ने कृषक बढेका छन्’, उहाँले भन्नुभयो, ‘यसकारण दूध संकलन पनि बढ्दै गएको छ ।’

पहिले कृषक आफैले छुर्पी बनाएर बेच्थे । पछिल्लो समय केन्द्रले दूधको मूल्य बढाएका कारण वरिपरि रहेका सबै कृषकले केन्द्रलाई दूध उपलब्ध गराउँछन् । जिल्लामा पछिल्लो समय चिज उत्पादन केन्द्रसमेत बढेका छन् ।

पहिले चारवटा केन्द्र रहेकोमा अहिले सातवटा पुगेका छन् । दुग्ध विकास संस्थानअन्तर्गत ६ वटा र निजीतर्फ एउटा सञ्चालनमा छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्