डोटीमा नक्कली नोट भेटियो

मंसिर ४, २०७६ बुधबार १८:१६:३२ | विमल बिष्ट

डोटी – डोटीमा एक हजार रुपैयाँ दरका नक्कली नोट भेटिएको छ ।

दिपायलस्थित एनसीसी बैंकमा एक जना ग्राहकले आफनो खातामा रकम जम्मा गर्न ल्याउँदा एक हजारका दुई वटा नक्कली नोट फेला परेको हो ।

बैंक कर्मचारी अनिल शाहीले ३५ हजार रुपैयाँ जम्मा गर्न आएका एक जना ग्राहकबाट दुई वटा नक्कली नोट फेला परेको बताउनुभयो । उहाँले भन्नुभयो, ‘एक जना ग्राहक पैसा जम्मा गर्न आउनु भयो, हामीले पैसा बुझ्ने बेला दुई नोट नक्कली भएको फेला पा¥यौँ ।’ ती नोटको कागज फरक खालको तथा फोटोकपी पेपरजस्तै भएकाले नक्कली नोट सजिलै चिनिएको शाहीको भनाइ छ ।

उता डोटीका प्रमुख जिल्ला अधिकारी टेकनारायण पौडेलले डोटीमा नक्कली नोट भेटिएकाबारे अनुसन्धान गरिने बताउनुभयो । उहाँले भन्नुभयो, ‘नक्कली नोट कहाँबाट आयो यो विषयमा सुक्ष्म रुपमा अध्यन र छानबिन हुनेछ ।’

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्