भारत र बंगलादेशका प्रतिनिधि भन्छन्: नेपालको बिजुली किन्न तयार छौँ

मंसिर ५, २०७६ बिहीबार १८:५७:५७ | उज्यालो सहकर्मी

काठमाण्डाै - भारत र बंगलादेशले छिटो नीति बनाएर नेपालको बिजुली किन्न तयार रहेको बताएका छन् ।

काठमाण्डौैमा बिहीबारदेखि चलेको उर्जा सम्मेलनका क्रममा भारत र बंगलादेशका प्रतिनिधिले उपयुक्त नीति बनाएर नेपालको बिजुली किन्ने बताएका हुन् ।
भारतको एकीकृत अनुसन्धान तथा विकासका कार्यकारी निर्देशक पंकज भट्टले नेपालसँग पर्याप्त बिजुली उत्पादन गर्ने क्षमता रहेको र भारतलाई बिजुली चाहिएकोले विद्युत् व्यापार धेरै टाढाको विषय नभएको बताउनुभयो ।

उहाँले भारत, बंगलादेश, भुटान तथा म्यानमार मिलेर ऊर्जा विकास गर्नुपर्ने धारणा राख्नुभयो ।

यसैगरी, बंगलादेश पावर डेभलपमेन्ट बोर्डका प्रमुख इन्जिनीयर एडी महबुर रहमानले भारतले त्रिपक्षीय कामका लागि अग्रसरता लनुपर्नेमा जोड दिनुभयो ।

‘अहिले बंगलादेशले भारतबाट एक हजार मेगावाटभन्दा बढी बिजुली किनिरहेको छ र भविष्यमा नेपालबाट बिजुली लैजाने गृहकार्य गरिरहेको छ,’ उहाँले भन्नुभयो, ‘भारत तथा नेपालबाट पर्याप्त बिजुली लैजान हाम्रो तर्फबाट गर्नुपर्ने सबै काम भइरहेको छ ।’

रहमानका अनुसार नेपालका पाँचवटा नदीहरू दूधकोसी, सुनकोसी दोस्रो तथा तेस्रो, तल्लो अरूण र तमोरबाट बिजुली बंगलादेश लैजाने गृहकार्य भइरहेको छ ।

त्यस्तै, इनर्जी एक्सचेन्ज भारतका डाइरेक्टर राजेशकुमार मडिरट्टाले नेपालको इनर्जी एक्सचेन्जसँग सहकार्य गर्न तयार रहेको बताउनुभयो । उहाँले नेपालले भारतीय इनर्जी एक्सचेन्जबाट धेरै कुरा सिक्न सक्ने भन्दै इनर्जी एक्सचेन्जको काम अगाडि बढाउन सक्ने बताउनुभयो । उहाँले नेपाललाई चाहिने आवश्यक प्राविधिक सहयोग गर्न तयार रहेको पनि बताउनुभयो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्