भारतमा रहेका आफ्ना महिला नागरिकलाई सावधानी अपनाउन अमेरिका र बेलायतकाे सुझाव

मंसिर २१, २०७६ शनिबार ८:१४:५१ | उज्यालो सहकर्मी

अमेरिका र बेलायतले भारतमा रहेका आफ्ना महिला नागरिकलाई सावधानी अपनाउन सुझाव दिएको छ ।

पछिल्लो समय भारत महिलाका लागि असुरक्षित बन्दै गएको भन्दै अमेरिका र बेलायत सरकारले भारतमा बसोबास गर्ने वा भारत भ्रमणमा रहेका आफ्ना महिला नागरिकका लागि ‘ट्राभल एड्भाइजरी’ जारी गरेका हुन् ।

उनीहरुले आफ्ना देशका नागरिकलाई भारतमा बलात्कार तथा यौन उत्पीडनका घटना बढिरहेकोतर्फ सचेत गराउँदै भारत भ्रमणका क्रममा सावधानी अपनाउन सुझाव दिएको हो । दुवै देशले कुनै दुव्र्यवहार भोग्नु परेमा प्रहरी समक्ष जान पनि सुझाव दिएका छन् ।

पछिल्लाे समय भारतमा बलात्कार तथा यौन दुर्व्यवहारका घटना दैनिक जसो हुन थालेका छन् । गएको मंसिर १२ गते हैदराबादमा नजिकै २६ वर्षीया डाक्टरको बलात्कारपछि हत्या भएकाे थियाे । बलात्कारकाे आराेपमा पक्राउ परेका चार जना आराेपी शुक्रबार हिरासतबाट भाग्न खाेजेपछि प्रहरी इन्काउण्टरमा मारिएकाे बताइएकाे छ ।

त्यस्तै उत्तर प्रदेशकाे उन्नावमा बलात्कार पीडित एक युवतीकाे शुक्रबार राति उपचारका क्रममा ज्यान गएकाे छ । सन् २०१८ काे डिसेम्बरमा ती युवतीमाथि सामूहिक बलात्कार भएकाे थियाे । केही आराेपी युवक पक्राउ परे पनि केही जमानतमा छुटेका थिए ।

बिहीबार मात्रै आराेपीमध्येकै केहीले मुद्दा फिर्ता लिन दबाब दिँदै ती युवतीलाई जिउँदै जलाएका थिए । एअर एम्बुलेन्सबाट ती युवतीलाई दिल्ली ल्याइए पनि उनलाई बचाउन भने सकिएन ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्