थिएटरमा मञ्चन : शैलीमा ‘भुसको आगो’, मण्डलामा ‘झोला हराएको मान्छे’ !

जनकपुरमा ‘कल्पना र उर्मिला दुःखमा छन्’

मंसिर २१, २०७६ शनिबार १४:३८:४ | उज्यालो सहकर्मी

काठमाण्डाै - आफ्नै नाटकघर सञ्चालनमा ल्याएको शैली थिएटरले ‘भुसको आगो’ नाटक मञ्चन गरिरहेको छ । मंसिर १५ गतेदेखि सुरु भएको यो नाटक ३० गतेसम्म प्रदर्शन हुनेछ ।

नवराज बुढाथाेकीकाे निर्देशन रहेकाे ‘भुसको आगो’ नाटक गोबिन्द बहादुर मल्ल ‘गोठाले’ले लेख्नुभएको हो ।

नाटकमा पञ्चायतकालीन समयमा महिलाका भोगाइ, समस्या, कठिनाइ र बाध्यता देखाउन खोजिएको छ । नाटकमा सरस्वती अधिकारी, देबेन्द्र बब्लु, सचिन प्रजापति, शिशिर अर्याल, सबिन न्यौपाने लगायतको अभिनय छ ।

मण्डलामा ‘झोला हराएको मान्छे’

काठमाण्डाैको अनामनगरमा रहेको मण्डला थिएटरमा नयाँ नाटक ‘झोला हराएको मान्छे’ मञ्चन हुँदैछ । मंसिर २४ गतेदेखि सुरु हुने यो नाटक पुस १७ गतेसम्म मञ्चन हुनेछ ।

दीपेन्द्र शाहीले निर्देशन गरेको यो नाटक स्लिम जीवनले लेख्नुभएको हो । मण्डलामा यसअघि अनुप बरालको ‘महाभोज’, सुनिल पोखरेलको मुख्य अभिनय रहेको ‘मिमांश’ प्रदर्शन भएको थियो ।

जनकपुरमा ‘कल्पना र उर्मिला दुःखमा छन्’

शिल्पी थिएटरको नयाँ नाटक ‘कल्पना र उर्मिला दुःखमा छन्’ धनुषाको जनकपुरमा प्रदर्शन भइरहेको छ । ‘कल्पना र उर्मिला दुःखमा छन’ नाटक यसअघि कर्णालीका सुर्खेत, दैलेख, जाजरकोटका विभिन्न ठाउँमा प्रदर्शन गरिएको थियो ।

किशोरीहरुको समस्यामा केन्द्रित रहेको यो सडक नाटकमा शिल्पी थिएटरका कलाकारको अभिनय छ । नाटकलाई युवराज घिमिरेले निर्देशन गरेका हुन ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्