जिग्रीले यसरी मनाए ३०औँ जन्मदिन

साउन ४, २०७५ शुक्रबार १७:४१:५३ | उज्यालो सहकर्मी

काठमाडौं – चर्चित हाँस्यकलाकार जिग्री अर्थात कुमार कट्टेलले साउन ४ गते आफ्नो ३० औँ जन्मदिन मनाएका छन् । साउन ४ गते बिहान ३० औँ जन्मदिन पारेर असाहय वृद्धवृद्धा तथा अनाथ बालबालिकाको साथमा पहिलो केक काटेका उनले दिउँसो रेडियो अडियोको प्रांगणमा दोस्रो केक काटेका छन् ।

रेडियो अडियोमा केक काट्नु भन्दा अगाडि उनले ललितपुर कुसुन्तिमा रहेको नेपाल स्नेही काखमा रहेका असहाय वृद्धवृद्धा तथा अनाथ बालबालिकाको साथमा जन्मदिन मनाएका हुन् ।

हरेकले आफ्नो जन्मदिन अथवा विशेष दिनमा गरिब दिनदुखी र असहायका लागि सानो भएपनि सहयोग गरेर उत्सव मनाए आत्मिक सुख मिल्ने बताउँदै ‘पाँडे जिग्री प्रतिष्ठान’ले नेपाल स्नेही काखकी अध्यक्ष नेहा पोखरेललाई नगद २५ हजार रुपैयाँ सहयोग रकम हस्तान्तरण गरेका छन् । यसका अलावा उनले त्यहाँ सबैलाई खाना पनि खुवाएका थिए ।

कुमारले आज सबै ठाउँमा भद्रगोलका अन्य कलाकारहरुसँगै जन्मदिन मनाइरहेका छन् । रेडियो अडियोमा पनि जन्मदिन मनाउन आएका कुमारको साथमा अर्जुन घिमिरे पाँडे, मधुसुदन पाठक उर्फ सितेबा हरिश निरौला उर्फ कक्रोजलगायतको उपस्थिति थियो ।

कार्यक्रममा बोल्दै कुमारले आफूहरुको नयाँ व्यवसायको बारेमा पनि जानकारी दिएका छन् । कुमार, अर्जुन र मधु मिलेर डिल्ली बजारमा ईचिवान नामक रेष्टुरेण्ट खोलेका छन् । ईचिवान भनेको जापानी नाम हो र यसको नेपाली नाम नम्बर वान हुन्छ । उनीहरुले यो रेष्टुरेण्टबाट भएको आम्दानीको २० प्रतिशत समाज सेवामा लगाउने सोच बनाएको पनि कुमारले जानकारी दिए ।

यसका अलावा अभिनेता आकाश श्रेष्ठ र विनय श्रेष्ठ पनि कुमारको जन्मदिन विशेष कार्यक्रममा उपस्थित थिए ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्