पहिरोमा चार जनाको ज्यान गयो

साउन ५, २०७५ शनिबार १८:६:४० | डीबी बिष्ट

बझाङ – बझाङ जिल्लाको खप्तड छान्ना गाउँपालिका वडा नम्बर ६ बयानामा पहिरोमा परि एकै परिवारका तीनजनासहित चार जनाको घटनास्थलमा नै ज्यान गएको छ ।

घटनामा २ जना घाइते भएका छन् । खप्तड छान्ना गाउँपालिका वडा नम्बर ६ बयानाकी ४५ वर्षीय उजलीदेवी थापा, उहाँकी ३२ वर्षकी बुहारी महेश्वरी थापा र महेश्वरीका ६ वर्षीय छोरा कृष्ण थापाको घटनास्थमा नै ज्यान गएको उद्धारका लागि घटनास्थलमा खटिएका वडा सदस्य प्रेमबहादुर थापाले बताउनुभयो ।

त्यसै गाउँका २० वर्षीया मंगल थापाको पनि त्यही पहिरोमा ज्यान गएको वडा सदस्य प्रेमबहादुर थापाले बताउनुभयो । घटनामा परि त्यसै गाउँका ५ वर्षीय कविराज थापा र रिकेश थापा घाइते भएका छन् । गाउँ नजिकै रहेको शिव मन्दिर गलेगडामा पहिरो जाँदा चौतारामा बसी रहेका र बाटोमा हिँड्दै गरेका उनीहरुको ज्यान गएको जिल्ला प्रहरी कार्यालय बझाङले जनाएको छ ।

घरबाट घाँस लिएर चौपाया भएको ठाउँमा जाँदै गर्दा शनिबार दिउँसो बीचमा पहिरोमा परि उनीहरुको घटनास्थलमा नै ज्यान गएको वडा सदस्य प्रेम थापाले बताउनुभयो । घाइतेहरुको उपचारका लागि नजिकैको स्वास्थ्य संस्थामा लगिएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्