आकाश भन्छन्, ‘पूजा मेरो पार्टनर हो’

साउन ६, २०७५ आइतबार १८:४०:१७ | उज्यालो सहकर्मी

मोडलिङ हुँदै दुई वर्ष अघि सिनेमामा कदम राखेका अभिनेता आकाश श्रेष्ठले छोटो समयमा सिनेमाबाट राम्रो चर्चा हासिल गरेका छन् ।

आकाश अभिनित तेस्रो सिनेमा ‘ब्ल्याक’भदौ १ गतेदेखि प्रदर्शनमा आउँदैछ । उनको चौथो सिनेमा ‘रामकहानी’ भदौ २२ गतेदेखि प्रदर्शनमा आउँदैछ ।

यतिबेला आकाश ‘ब्ल्याक’को प्रचार प्रसारमा जुटेका छन् । तर उनको चर्चा भने ‘रामकहानी’का कारण बढेको छ ।

‘रामकहानी’मा पूजा शर्माको जोडीको रुपमाकाम गरेका उनको यतिबेला पूजासँगै नाम जोडिएको छ ।

आकाशले शनिबार मात्रै ‘रामकहानी’को प्रचार प्रसारको लागि पूजासँग फोटोशुट गरेका छन् । उनीहरुले सिनेमाको पोस्टरको लागि राम र सीता बनेर फोटोशुट गरेका छन् ।

तर सिनेमामा आकाश रामको भूमिकामा प्रस्तुत भएका छन् भने अभिनेत्री पूजा मायाको भूमिकामा प्रस्तुत भएकी छिन् ।

सिनेमामा एक अर्काको जोडी बनेका उनीहरु वास्तविक जीवनमा पनि प्रेममा रहेका कुराहरु आइरहेका बेला आकाशले यसबारे मुख खोलेका छन् ।
यस विषयमा हालै आकाशले पूजा आफ्नो पार्टनर भएको खुलाएका छन् ।

कुराकानीमा उनले पूजालाई दिदी भन्न सहजै अस्विकार गरेर पूजा आफ्नो पार्टनर भएको बताए । उमेर र अनुभवले पूजा आकाशभन्दा जेठी छिन् ।

तर कुरै कुरामा आकाशले माया प्रेममा उमेरले फरक नपार्ने पनि बताएका छन् ।

सिनेमा प्रदर्शन हुनु अगाडि यस्ता कुरा आउनु राम्रो भएको भन्दै आकाशले यी सबै कुराले सिनेमा प्रमोशनमा सहयोग पुग्ने खुलाएका छन् ।

आकाशले पूजाले आफूलाई प्रेमीको रुपमा स्विकार गरेको खण्डमा आफूलाई कुनै पनि समस्या नहुने समेत उल्लेख गरे ।

उनले भने,‘पूजाले मलाई स्विकारे त मैले पनि पूजालाई स्विकार्नु पर्यो नि त ।’ यस हिसाबले आकाशले घुमाउरो पारामा पूजासँगको प्रेम स्विकारेका छन् भन्न सकिन्छ ।

उनले सिनेमाको प्रचार प्रसारको लागि नै भएपनि यतिबेला आफूहरु एक हुनुपर्ने बताएका छन् ।

उता पूजाले भने आफूहरु राम्रो साथी भएको खुलाएकी छिन् ।

आफूहरुबीच केटाकेटीवाला प्रेमभन्दा पनि मित्रता अनि टिमको सदस्य भएका कारण आफूलाई आकाशको माया लाग्ने खुलाईन् ।

उज्यालाे र गफगाफ डटकमकाे सहकार्य

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्