सुदूरपश्चिममा फेरि हिमपात

माघ १५, २०७६ बुधबार १५:४५:५५ | विमल बिष्ट

डोटी - डोटी लगायतका सुदूरपश्चिमका पहाडी जिल्लामा पाँचौं पटक हिमपात भएको छ । खप्तड झिगराना, गोलादेउ, पानीखाल, नापानी, शिखर, गोवडालेक, बडीकेदारथान लगायतका उच्च पहाडी क्षेत्रमा दुई फिटसम्म हिउँ परेको छ ।

गएको माघ २ गते परेको हिउँ पग्लिन नपाउँदै फेरि हिमपात भएपछि जनजीवन प्रभावित भएको छ । पूर्वीचौकीका स्थानीय धनबहादुर विष्टले चिसोको कारण बाहिर निस्कन तथा बस्तुभाउ निकाल्न समेत कठिनाइ भएको बताउनु भएको छ ।

उहाँले भन्नुभयो ‘अहिले पाँचौ पटक हिमपात परेको छ । जनजीवन निक्कै कष्टकर बनेको छ । चिसोले वृद्धवृद्धा र बालबालिकाको स्वास्थ्यमा निकै प्रभाव परेको छ ।’

हिमपताले हिउँदमा लगाएको अन्न बालीमा पर्याप्त मात्रामा पानी पुग्ने भन्दै खुसी भएका लेकाली क्षेत्रका बासिन्दा फेरि हिमपात भएपछि चिन्तित भएका छन् ।लगातारको वर्षा र हिमताले हिउँदे बालीमा क्षति पुगेपछि उनीहरु चिन्तित भएका हुन् ।

पर्यटन व्यवसायी तथा डोटी उद्योग वाणिज्य संघका महासचिव दिपकबहादुर खड्काले तापक्रम घटेको जानकारी दिनुभयो । अहिले यहाँका उच्च लेकाली भेगमा बाक्लो हिमपात भइरहेको छ भने दिपायल, सिलगढी लगायतका ठाउँहरुमा पानी परेकाे छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्