काेराेना सङ्क्रमितकाे सङ्ख्या घट्न थाल्याे, खाेप बनाउन अझै केही समय लाग्ने

फागुन १, २०७६ बिहीबार ६:४४:९ | एजेन्सी

काठमाण्डाै – चीनमा तीव्र गतिमा फैलिरहेको कोरोना भाइरसका सङ्क्रमितकाे सङ्ख्या घट्न थालेका छन् ।

सङ्क्रमित हुनेकाे सङ्ख्या घटे पनि कोरोना भाइरसको महामारी तत्काल अन्त्य हुने घोषणा गर्न अहिले धेरै चाँडो हुने विश्व स्वास्थ्य सङ्गठन (डब्ल्यूएचओ) ले जनाएको छ ।

यसअघि एक दिनमा झण्डै चार हजार जना नयाँ बिरामी भेटिने गरेकामा गएको दुई हप्तामा चीनमा दैनिक झण्डै दुई हजार जनामात्र नयाँ बिरामी भेटिएका चिनियाँ अधिकारीले बताएका छन् ।

गएको डिसेम्बर महिनाकाे अन्त्यतिर चीनको वुहान शहरमा पहिलोपटक देखिएको कोरोना भाइरसका कारण चीनमा ११ सय जनाभन्दा धेरैको ज्यान गइसकेको छ भने ४४ हजार ६ सय जनामा सङ्क्रमण भएको पुष्टि भएको छ ।

कोरोनाविरुद्ध लड्न चार वटा खोप बनाउने योजनामा रहेको पनि विश्व स्वास्थ्य सङ्गठनले जनाएको छ । सङ्गठनकी प्रमुख वैज्ञानिक सौम्य स्वामिनाथनले खोप बनाउने तयारी भए पनि केही समय लाग्ने जानकारी दिनुभएको हो ।

उनले भनिन्, 'मलाई लाग्छ हामी भ्याक्सिन बनाउन सक्छाैँ तर यसका लागि केही समय लाग्न सक्छ, याे एकै रातकाे काम हाेइन ।'

चीनमा ४२ हजारभन्दा बढीमा देखिएको यो भाइरसको सङ्क्रमण २५ भन्दा बढी देशमा पनि देखिइसकेको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्