नेप्से परिसूचक ४३ अङ्कले बढ्याे

फागुन १३, २०७६ मंगलबार १७:२६:२४ | उज्यालो सहकर्मी

काठमाण्डौ - नेप्से परिसूचक मंगलबार पनि उच्च अंकले बढेको छ ।

परिसूचक मंगलबार ४३ दशमलव ०२ अंकले बढेर १५ सय ४५ दशमलव १९ बिन्दुमा पुगेर कारोबार बन्द भएको नेपाल स्टक एक्सचेन्ज लिमिटेडले जनाएको छ ।

‘क’ वर्गका कम्पनी मापन गर्ने सेन्सेटिभ इन्डेक्स पनि मंगलबार ८ दशमलव ७५ अंकले बढेर ३२६ दशमलव ५६ बिन्दुमा पुगेको छ। मंगलबार भएकाे १८० कम्पनीको कारोबारमा झण्डै ३ अर्ब रुपैयाँ बराबरकाे ७० लाख ५९ हजार ७१२ कित्ता शेयर किनबेच भएका छन् । मंगलबार कारोवार भएका १२ उपसमूहकै सेयर कारोबार बढेको छ ।

हिमालयन डिस्टिलरीको मंगलबार सबैभन्दा धेरै १६ करोड ३३ लाख ५१ हजार रुपैयाँको सेयर कारोबार भएको छ । यस्तै नेपाल लाइफ इन्स्योरेन्स कम्पनीको १४ करोड ३६ लाख १५ हजार रुपैयाँ, शिखर इन्स्योरेन्स कम्पनीको १० करोड ६५ लाख ३४ हजार रुपैयाँ र नेको इन्स्योरेन्सको नौ करोड ४२ लाख ७७ हजार रुपैयाँको सेयर कारोबार भएको छ ।

मंगलबार गुराँस लाइफ इन्स्योरेन्स, हिमालयन डिस्टिलरी र स्वदेशी लघुवित्त वित्तीय संस्थाका शेयर लगानीकर्ताले १० प्रतिशत कमाएका छन् । बजार बढ्दा पनि दिव्यश्वरी हाइड्रोपावर लिमिटेडका शेयर लगानीकर्ताले भने ३ दशमलव ६ प्रतिशत गुमाएका छन् ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्