सुर्खेतमा पहिलाे कर्णाली महोत्सव : सरकारका तीन तहबारे छलफल हुने

फागुन १९, २०७६ सोमबार ९:४:४७ | मुना हमाल

सुर्खेत - ‘कुडा कर्णालीका’ मुख्य नारासहित 'कर्णाली उत्सव' साेमबारदेखि सुरु हुँदैछ । कर्णालीलाई चिन्न र चिनाउनका लागि आयोजना गरिएको महाेत्सव सुर्खेत वीरेन्द्रनगरको बुलबुले उद्यानमा सुरु हुनेछ ।

उत्सवमा कर्णालीको साहित्यसँगै आर्थिक, सामाजिक, राजनीतिक तथा ऐतिहासिक विषयमा बहस हुुने कर्णाली उत्सवका संयोजक कमलराज लम्सालले जानकारी दिनुभयो ।

उत्सवमा आज सरकारका तीन तहका बारेमा छलफल गर्ने सत्र 'बहकाउने कर्णालीका बह, खस भाषा सभ्यता र समाज' विषयमा छलफल गर्ने सत्र खसका खासखुस शीर्षकमा अन्तरक्रिया हुने संयोजक लम्सालले जानकारी दिनुभयो ।

यस्तै आजै कर्णालीका संस्कार र समानता तथा रंगमञ्चमा कर्णाली शीर्षकमा समेत अन्तरक्रिया हुनेछ । तीन दिनसम्म चल्ने उत्सवमा कर्णालीमा उद्यमशीलता, वेरोजगारी, वैदेशिक रोजगारी युवा तथा श्रम आप्रवासनको अवस्थामाथि बहस गर्न 'काला पहाडका तोडा' नामको सेसन पनि राखिएको छ ।

कर्णाली उत्सवमा प्रदेशमा विकासको वर्तमान अवस्था, पछाडि पारिनुका कारण, अबको बाटो, सार्वजनिक सरोकारका विषयहरुमा नागरिकहरुले प्रश्न गर्नुपर्ने कारण लगायतका विषय समेटेर 'प्रश्न किन गर्ने ?' भन्ने सत्र पनि राखिएकाे छ ।

प्रदेशको अर्थतन्त्रका मुख्य आधार, लगानीका प्रमुख क्षेत्र, कर्णालीमा लगानी कसरी आकर्षित गर्न सकिन्छ भन्ने बारेमा पनि बहस गरिने आयोजकले जनाएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्