कोरियामा रहेका कर्णालीका युवाद्वारा कर्णाली प्रदेश सरकारलाई ज्वरो नाप्ने थर्मल गन सहयोग

वैशाख २१, २०७७ आइतबार ७:२६:४३ | मुना हमाल

सुर्खेत - रोजगारीको सिलसिलामा दक्षिण कोरियामा रहेका कर्णालीका नागरिकले कर्णाली प्रदेश सरकारलाई ज्वरो मापन गर्ने मेसिन थर्मल गन सहयोग गरेका छन् ।

‘कर्णाली प्रदेश समाज दक्षिण कोरियाले प्रदेशका दश वटै जिल्लालाई उपलब्ध हुनेगरी थर्मल गन सहयोग गरेको हो । शनिबार महेन्द्र बहादुर शाही र सामाजिक विकास मन्त्री दल रावललाई समाजले पठाएको एकसय १० थान थर्मल गन सुर्खेत समाज दक्षिण कोरियाका पूर्व पदाधिकारी गणेश अधिकारी र लक्ष्मीप्रसाद ढकालले हस्तान्तरण गर्नुभयो ।

समाजले उपलब्ध गराएको १ सय १० थान थर्मल गनमध्ये सुर्खेतमा १६ वटा, रुकुम पश्चिममा १२, सल्यानमा १३, कालिकोटमा ११, मुगुमा ६, दैलेख १४, हुम्लामा ९, डोल्पामा ९, जुम्लामा ११ र जाजरकोटमा ९ वटा पठाउने गरी प्रदेश सरकारलाई हस्तान्तरण गरिएको हो ।

साथै रोजगारीको सिलसिलामा कोरियामा रहेका सुर्खेतको बराहताल गाउँपालिकाका युवाहरुले रकम संकलन गरी पठाएको छुट्टै १० थान थर्मल गन पनि हस्तारन्तरण गरिएको छ ।

मुख्यमन्त्री शाहीले कर्णाली प्रदेश समाज दक्षिण कोरियालाई धन्यवाद व्यक्त गर्दै दुख गरी कमाएको रकमबाट आफ्नो गाउँठाउँलाई सहयोग गरेकोमा प्रशंसा गर्नुभयो ।

कर्णाली प्रदेश समाज दक्षिण कोरियाका अध्यक्ष पदमबहादुर बस्नेतले विदेशमा भए पनि आफ्नो मातृभूमिमा दुःख पर्दा मिलेर सहयोग गरेको बताउनुभयो ।
आउँदा दिनहरुमा पनि मातृभूमिको लागि ’कर्णाली प्रदेश समाज दक्षिण कोरिया’ले आवश्यक सहयोग गर्ने प्रतिब४ता जनाउँदै सहयोगमा साथ दिने कर्णालीका युवाहरुलाई धन्यवाद व्यक्त पनि गर्नुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्