सुर्खेतमा भारतबाट आएका ३ जनामा कोरोना पुष्टि, कर्णालीमा सङ्क्रमितको सङ्ख्या ४ पुग्यो

जेठ १०, २०७७ शनिबार १५:४९:२० | मुना हमाल

सुर्खेत – कर्णाली प्रदेशमा कोरोना सङ्क्रमितको सङ्ख्या चार पुगेको छ । शनिबार थप तीन जनामा कोरोना सङ्क्रमण पुष्टि भएसँगै कोरोना सङ्क्रमितको सङ्ख्या चार पुगेको हो । उनीहरु तीनै जना सुर्खेतका हुन् । यसअघि दैलेखको आठबीस नगरपालिकाका एक युवामा कोरोना सङ्क्रमण पुष्टि भएको थियो ।

गत बिहीबार एकैदिन भारतबाट कर्णाली प्रदेश भित्रिने मुख्य नाका बबईबाट एक हजार नौ सय ३० जना भित्रिएका थिए । बबई नाकामा सात सय ९० जनाको आरडीटी परीक्षण गरिएको थियो । आरडीटी परीक्षण गर्दा १३ जनामा पोजेटिभ देखिएको थियो । त्यसपछि सुर्खेतमा रहेको पीसीआर मेसिनमा परीक्षण गर्दा १३ जनामध्ये तीन जनाको रिर्पोट पोजेटिभ आएपछि थप यकिन गर्नका लागि नेपालगञ्ज पठाइएको थियो ।

नेपालगञ्जमा परीक्षणपछि पनि कोरोना सङ्क्रमण पुष्टी भएको जिल्ला जनस्वास्थ्य सेवा कार्यालय सुर्खेतका प्रमुख चेतननिधि वाग्लेले जानकारी दिनुभयो ।

उहाँका अनुसार बराहताल गाउँपालिकाका दुई जना र चौकुने गाउँपालिकाका एक जना रहेका छन । उनीहरुको स्वास्थ्य अवस्था समान्य रहेको उहाँले बताउनुभयो । उनीहरुलाई प्रदेश अस्पताल कालागाउँमा रहेको आइसोलेशन कक्षमा राखिएको छ ।

रोजगारीको सिलसिलामा भारत गएका कर्णालीका नागरिक फर्किन थालेपछि यहाँ कोरोना सङ्क्रमणको जोखिम बढेको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्