भारतमा भन्दा नेपालमा सस्तो भएपछि इन्धन र सुनमा कर बढायौँ : मन्त्री खतिवडा

जेठ १६, २०७७ शुक्रबार १८:३५:४८ | उज्यालो सहकर्मी

काठमाण्डौ – अर्थ मन्त्री डाक्टर युवराज खतिवडाले भारतमा भन्दा नेपालमा पेट्रोलियम पदार्थको भाउ धेरै नै सस्तो भएकाले भन्सार शुल्क बढाएकाे बताउनुभएको छ ।

अर्थ मन्त्रालयले गरेको पत्रकार सम्मेलनमा मन्त्री खतिवडाले भारतमा भन्दा नेपालमा सस्तो हुँदा चोरी बढेकाले भारतकै मूल्य नजिक पुर्‍याउन पेट्रोलियम पदार्थमा थप १० प्रतिशत भन्सार शुल्क लगाएको बताउनुभयो ।

‘नेपालमा भन्दा भारतमा पेट्रोलियम पदार्थको मूल्य २० देखि २५ रुपैयाँले बढी छ । नेपालतर्फ इन्धन सस्तो हुँदा चोरी र अवैध व्यापार बढेको छ, यता गाडी लिएर तेल भरेर जाने चलन छ । त्यसैले भन्सार धेरै लगाइएको हो’, उहाँले भन्नुभयो ।

उहाँले भन्सार बढाएकैले अहिले मूल्य नबढ्ने पनि दाबी गर्नुभयो । ‘हामीले भन्सारमा १० प्रतिशत थप कर लगाउँदा पनि निगमको नाफा यथेष्ट हुन्छ, मूल्य बढ्दैन, उपभोक्तालाई कुनै शुल्क थोपर्दैनौँ । तत्कालको लागि मूल्य बढ्दैन’, उहाँले भन्नुभयो ।

उहाँले सुनचाँदीको मूल्य पनि नेपालमा भन्दा भारतमा कम भएकाले केही समान बनाउन १० ग्राम सुनमा थप दुई हजार भन्सार शुल्क थपिएको पनि दाबी गर्नुभयो ।

‘सुनचाँदीको मूल्य पनि सीमा वारिपारि हेरेर निर्धारण हुन्छ । अहिले भारतमा सुन चाँदीको भाउ महँगो छ । नेपालमा भन्सार बढाउँदा अब मूल्य केही नजिक भएको छ’, खतिवडाले भन्नुभयो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्