ट्रक दुर्घटनामा चालकको ज्यान गयो, स्थानीयको घरमा क्षति

असार १६, २०७७ मंगलबार १०:५३:१२ | सन्ताेष रुचाल

धनकुटा – कोशी राजमार्ग अन्तर्गत धरान – धनकुटा सडकखण्डको साँगुरीगढी गाउँपालिका–६ कार्कीछापमा ट्रक दुर्घटना हुँदा चालकको ज्यान गएको छ ।

विराटनगरबाट फलाम, रड लगायतका सामान बोकेर संखुवासभातर्फ जाँदै गरेको को १ ख ४३६६ नम्बरको ट्रक गएराति अनियन्त्रित भइ दुर्घटना हुँदा ट्रक चालक २९ वर्षीय राजु श्रेष्ठको घटनास्थलमा नै ज्यान गएको जिल्ला प्रहरी कार्यालय धनकुटाका डीएसपी ध्रुवकुमार श्रेष्ठले बताउनुभयो ।

ट्रकका सहचालक तथा ट्रक धनी मानबहादुर कार्की भने सामान्य घाइते हुनुभएको छ ।

अनियन्त्रित भएर ट्रक पल्टिँदा सडक छेउमा रहेको स्थानीय अर्पणा लिम्बूको घरमा पनि क्षति पुगेको छ । उहाँकी १२ वर्षीया छोरी अजुनु सामान्य घाइते भएकी छिन् । घरमा करिब ७ लाख रुपैयाँ बराबरको क्षति भएको प्रहरीले जनाएको छ ।

ट्रक सडकबाट झण्डै ५० मीटर तल खसेको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्