कर्णाली प्रदेश : आधा महिनामा एक अर्बभन्दा बढी खर्च

असार १७, २०७७ बुधबार ८:२७:३९ | मुना हमाल

सुर्खेत – विकास खर्चको नाममा असारको महिनामा मात्रै अर्बौं खर्च हुने गरेको छ । कर्णाली प्रदेश सरकारले पनि असारे विकासलाई पहिलेको जसरी निरन्तरता दिएको छ ।

प्रदेश सरकारले असारको आधा महिनामा मात्रै एक अर्ब बजेट खर्च गरेको छ । विगतमा जस्तै बजेट सक्नलाई आर्थिक वर्षको अन्त्यमा धेरै बजेट खर्च गर्ने प्रवृत्ति यस वर्ष पनि कायमै रहेको छ ।

सुरुवाती चरणमा बजेट खर्च गर्न नसकेको कर्णाली प्रदेश सरकारले असारको महिनाको १५ गतेसम्म मात्रै एक अर्बभन्दा बढी बजेट खर्च गरेको छ । प्रदेश लेखा नियन्त्रक कार्यालयका अनुसार प्रदेश सरकारले १५ दिनमा एक अर्ब ११ करोेड ६३ लाख ६९ हजार ६ सय ६८ रुपैयाँ खर्च गरेको हो । कार्यालयका सूचना अधिकारी यामुना श्रेष्ठका अनुसार पूँजीगत खर्चतर्फ ५८ करोड ४६ लाख ६८ हजार ५ सय ११ रुपैयाँ र चालू खर्चतर्फ ५३ करोड १७ लाख एक हजार एकसय ५७ रुपैयाँ खर्च गरेको छ ।

चालू आर्थिक वर्षको अहिलेसम्म प्रदेश सरकारले कुुल बजेटको २३ दशमलब ५ प्रतिशत बजेट खर्च गरेको छ । पूँजीगत तर्फ १७ दशमलब ११, चालूतर्फ ३३ दशलम ९२ प्रतिशत बजेट खर्च भएको छ । सरकारले असार महिनामा मात्रै झण्डै तीन प्रतिशत विकास बजेट खर्च गरेको देखिन्छ । प्रदेश सरकारले दोस्रो चौमासिकसम्म बजेट खर्च गर्न सकेको थिएन ।

पहिलो चौमासिकमा एक प्रतिशत मात्रै बजेट खर्च गरेको प्रदेश सरकारले दोस्रो चौमासिकमा १० दशमलब ८९ प्रतिशत मात्रै बजेट खर्च गरेको थियोे । पूँजीगतर्फको खर्च भने न्यून थियो । दोस्रो चौमासिकमा चालूतर्फ १६ दशमलब २२ प्रतिशत बजेट खर्च गर्दा पूँजीगततर्फ ७ दशमलब ६३ प्रतिशत बजेट खर्च गरेको थियो ।

चैतदेखि कोरोना भाइरस ९कोभिड–१९० कोे रोकथाम र नियन्त्रणका लागि देशभर लकडाउन भएपछि विकास निर्माणका कामहरु प्रभावित भएका थिए । कोरोनाकै कारण विकास निर्माणको काम अघि बढाउन नसकेको र सन्तोजनक रुपमा बजेट कार्यान्वयन गर्न नसकेको बताउँदै आएको प्रदेश सरकारले असारे विकास दोहोर्‍याएको छ ।

सरकारले चैतसम्म १३ दशमलब ६३ प्रतिशत मात्रै बजेट खर्च गरेको थियो । वैशाखसम्म १५ दशमलब ३९ प्रतिशत बजेट खर्च गरेको सरकारले जेठ मसान्तसम्म २० प्रतिशत बजेट खर्च पुर्‍याएको थियो । जेठ मसान्तसम्म पूँजीगत तर्फ १४ दशमलब ३७ प्रतिशत खर्च भएकोमा असारको १५ गतेसम्म १७ प्रतिशत पुर्‍याएको हो । जेठ मसान्तसम्म चालू तर्फ २९ दशमलब ८४ प्रतिशत खर्च गरेकोमा असार १५ गतेसम्म ३३ दशमलब ९२ प्रतिशत पुर्‍याएको हो ।

असारमा विकास निर्माणका काम हुँदा सरकारको चौतर्फी आलोचना पनि हुँदै आएको छ । सरकारले पटक पटक असारे विकास रोक्ने प्रतिवद्धता व्यक्त गर्दै आए पनि व्यवहारमा भने उतार्न सकेको छैन । आर्थिक वर्ष सकिन करिब २० दिन बाँकी रहँदा प्रदेश सरकारले मुख्यमन्त्री रोजगार कार्यक्रमका नाममा ३० करोड र मुख्यमन्त्री दलित महिला आयआर्जन कार्यक्रमका नाममा १० करोड बजेट स्थानीय तहमा निकासा गरेको छ ।

संसदीय समितिहरुले पनि वर्षको अन्त्यतर्फ जथाभावी विकासका नाममा बजेट खर्च नगर्न सरकारलाई निर्देशन दिने गरेका छन् । असारमा हुने काम गुणस्तरहीन हुने र अनियमितता हुने भन्दै समितिहरुले सरकारको कामकारबाहीमा चासो दिंदै आएका छन् ।

कर्णाली प्रदेशसभाको सार्वजनिक लेखा समितिले आर्थिक वर्ष सकिनै लाग्दा प्रदेश सरकारले कार्यक्रमका नाममा ४० करोड बजेट निकासा गरेको भन्दै चासो दिएको छ । समितिले सरकारसँग यी कार्यक्रमको हिसाब–किताबसहित जवाफ समेत मागेको छ ।

आर्थिक वर्षको अन्त्यतर्फ विकासका नाममा बजेट सक्नुलाई बालुवामा पानी मिसाएको जस्तै हुने र गुणस्तहीन र अनियमितता हुने जनगुनासो छ । पहिले विकास निर्माणका कामहरु नहुने तर वर्ष सकिनै लाग्दा विकासका नाममा बजेट खर्च गर्ने गरेको भन्दै आलोचना पनि हुँदै आएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्