आममाफीको दुई दिनमा युएईबाट २४ नेपाली फर्किए

साउन २०, २०७५ आइतबार ११:७:४ | उमाकान्त पाण्डे

युएई– विभिन्न कारणले युएईमा गैरकानुनी रुपमा बसिरहेका विदेशी नागरिकलाई तीन महिनाको आममाफीको प्रक्रिया सुरु भएको दुई दिनमा २४ जना नेपाली घर फर्किएका छन् ।

बुधबारदेखि सुरु भएको आममाफी अन्तर्गत दुई दिनमा २४ जना नेपालीले प्रक्रिया पुरा गरेर नेपाल फर्किएको युएईको अध्यागमनले जनाएको छ । घर फर्किनेमा ५ जना महिला छन् । ती मध्ये ९ जनाले नेपाली दूतावासमार्फत यात्रा अनुमतिपत्र लिएर नेपाल फर्किएका हुन ।

साथमा पासपोर्ट नहुनेहरु दूतावासमा आएर यात्रा अनुमतिपत्र बनाउनु पर्छ भने राहदानी हुनेहरु युएईले दिएको आउटपास लिएर नेपाल फर्किन सक्छन् । अवैधानिक रुपमा बसिरहेका नेपालीहरु युएईले दिएको आममाफीको अवसरलाई प्रयोग गर्दै धेरैजसो भिसा लगाएर बैधानिक बन्ने प्रयासमा देखिन्छन् ।

‘अब नयाँ पासपोर्ट बनाएर भिसा लगाई कानुन अनुसार यही काम गर्छुु’ युएईमा ४ वषदेखि अवैधानिक रुपमा बस्दै आएकी ताप्लेजुङकी अनिता तामाङले भन्नुभयो ।

तामाङले बैधानिक रुपमा भिसा लगाएर बस्न दूतावासमा राहदानीका लागि आवेदन दिनुभएको छ । त्यसरी आवेदन गर्न सकिने अवस्थाका बारेमा धेरै नेपालीले सोधपुछ गरिरहेको दूतावासको राहदानी फाँटमा कार्यरत तृतीय सचिव केशबराज पोखरेलले जानकारी दिनुभयो ।

अहिलेसम्म यही प्रयोजनका लागि एक जनाले मात्रै आवेदन दिएपनि दोस्रो हप्ताबाट यो क्रम बढ्न सक्ने पोखरेलको भनाई छ । आममाफी प्रकृयामा धेरै नेपाली रहेको पाइए कार्यालय समय बढाएर वा सार्वजनिक विदाको दिन समेत दूतावास खोलेर सेवा दिने तयारी दूतावावासको छ ।

तर पनि नेपाली दूतावासमा आएर वा टेलिफोन गरेर जानकारी माग्ने नेपालीको सख्या खासै नबढेको कार्यबहाक राजदूत सागरप्रसाद फुयालले बताउनुभयो ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

आममाफीको दुई दिनमा युएईबाट २४ नेपाली फर्किए

आममाफी बारे बुझ्न आबुधावीमा रहेको नेपाली दूतावास आइपुगेका कामदार सूचना पढ्दै ।

तपाईको प्रतिक्रिया