एकै वर्ष ५७ अर्ब रुपैयाँको खाद्यान्न आयात, चामल मात्रै साढे ३३ अर्बको

साउन ११, २०७७ आइतबार १७:१६:० | अर्जुन पोख्रेल

काठमाण्डाै – गएको आर्थिक वर्ष २०७६/०७७ मा विदेशबाट आउने वस्तुको आयात १५ प्रतिशतभन्दा धेरैले घटेको छ । भन्सार विभागका अनुसार गएको आर्थिक वर्षमा वस्तुको आयात १५ दशमलव १५ दशमलव ६३ अङ्कले घटेको छ ।

आयात घटे पनि निर्यात भने बढ्न सकेन । लकडाउनको अवधिसम्म निर्यात बढेकोमा त्यसपछि भने निर्यात ओरालो लागेर वर्षको अन्तिममा शून्य दशमलव ९८ प्रतिशतमै सीमित भएको छ ।

गएकाे वर्ष ११ खर्ब ९६ अर्ब ७९ करोड रुपैयाँको वस्तु आयात भएकोमा ९६ अर्ब १५ करोड रुपैयाँको वस्तु मात्रै निर्यात भएको छ । गएको वर्ष समग्र वैदेशिक व्यापार नै १४ दशमलव ६९ अङ्कले घटेर १२ खर्ब ९२ अर्ब ९५ करोड रुपैयाँमै सीमित भएको छ । २०७५/०७६ मा १५ खर्ब १५ अर्ब ६४ करोड रुपैयाँको वैदेशिक व्यापार भएको थियो ।

चामल आयात मात्रै साढे ३३ अर्बको, १३ अर्ब रुपैयाँको मकै आयात !

नेपाललाई कृषिप्रधान देश भनिए पनि गएको आर्थिक वर्षमा झण्डै ५७ अर्ब रुपैयाँको खाद्यान्न मात्रै भित्रिएको छ । भन्सार विभागका अनुसार आर्थिक वर्ष २०७६/०७७ मा ५६ अर्ब ८८ करोड ४३ लाख रुपैयाँ बराबरको खाद्यान्न भित्रिएको छ । आर्थिक वर्ष २०७५/०७६ मा भन्दा गएको आर्थिक वर्षमा धान, चामल, मकै, कोदो,जौ गहुँलगायतका खाद्यान्न आयातमा पाँच अर्ब रुपैयाँ धेरै रकम बाहिरिएको छ । आर्थिक वर्ष २०७५/०७६ मा ५१ अर्ब ८० करोड रुपैयाँको खाद्यान्न आयात भएको थियो ।

गएको आर्थिक वर्षमा धान/चामल मात्रै साढे ३३ अर्ब रुपैयाँको आयात भएको छ । धानको बिउ, धान, चामल, कनिकालगायतका वस्तुको आयातमा ३३ अर्ब ५९ करोड रुपैयाँ बाहिरिएको भन्सार विभागको तथ्याङ्क रहेको छ । यसमध्ये झण्डै २२ अर्ब रुपैयाँको धान/चामल भारतबाट आयात भएको छ । गएको वर्ष ९३ करोड ५९ लाख रुपैयाँको त कनिका मात्रै आएको छ ।

यस्तै सात अर्ब ९० करोड रुपैयाँको गहुँ आयात भएको छ । यस्तै १२ अर्ब ९४ करोड ४७ लाख रुपैयाँ बराबरको मकै आयात भएको भन्सार विभागले जनाएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अर्जुन पोख्रेल

उज्यालोमा कार्यरत अर्जुन पोख्रेल आर्थिक विषयमा कलम चलाउनु हुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्