पहिरोका कारण डाेटीमा ३५ घरपरिवार विस्थापित

साउन १८, २०७७ आइतबार ११:१६:११ | विमल बिष्ट

डोटी - डोटीको सायल गाउँपालिका-२ भुर्केलाका ३५ परिवार विस्थापित भएका छन् । गाउँमाथि र तलबाट नै पहिरो आएपछि ३५ परिवार विस्थापित भएका हुन् ।

लगातार परेकाे पानीका कारण पहिरोले गाउँ नै जोखिममा पारेपछि घर छोडेर गाउँमाथिको अग्लो डाँडामा पाल टाँगेर बस्नुपरेको स्थानीय धर्मराज जोशीले बताउनुभयो ।

उहाँले भन्नुभयो, ‘केही दिन यतादेखि परेको पानीले गाउँमाथि र तल पहिरो गएकाे छ । बस्ती नै पहिरोले बगाउने डर भएपछि ३५ परिवार विस्थापित भएका हुन् ।’

भुर्केला गाउँको चारैतिर पहिरो झरेकाले स्थानीयबासीमा त्रास उत्पन्न भएको अर्का स्थानीय तेज डुम्रेलले जानकारी दिनुभयो ।

गाउँमाथिबाट कुनै पनि बेला पहिरो खस्ने भएकाले गाउँबासीलाई सुरक्षित ठाउँमा सार्नु पर्ने स्थानीयको माग रहेको छ । विस्थापित भएकाहरु रातभरि जागै बस्ने गरेका छन् । गाउँमाथिबाट कुनै पनि बेला पहिरो खस्न सक्ने भन्दै उनीहरुले सुरक्षित ठाउँमा सार्न माग गरेका छन् ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्