नेपाली यु–१९ टोलीले भारतमा ऐतिहासिक एकदिवसीय शृङ्खला खेल्ने

साउन २४, २०७५ बिहीबार १७:४६:५६ | उज्यालो सहकर्मी

काठमाडौं – नेपाली यु–१९ राष्ट्रिय टोलीले भारत र पाकिस्तान सम्मिलित टोलीसँग एकदिवसीय शृङ्खला खेल्ने निश्चित भएको छ । चार टोली सम्मिलित सिरिज खेल्न भारतले नेपाललाई प्रस्ताव गरेको थियो ।

भारतले आयोजना गर्ने सिरिजमा भारत र अफगानिस्तानको यु–१९ राष्ट्रिय टोली र भारतीय नेसनल क्रिकेट एकेडेमी एनसीए गरी चार टोली सम्मिलित प्रतियोगितामा नेपालले सहभागिता जनाउने निर्णय गरेको हो ।

नेपाली यु–१९ टोलीका प्रशिक्षक विनोद दासले बिहीबार पत्रकार सम्मेलन गरी सिरिजमा सहभागिता जनाउने निश्चित भएको र त्यसका लागि खेलाडी छनोट सुरु गरिने जानकारी दिए ।

‘आईसीसी र एसीसीबाट बजेटका लागि पहल गरेमा लामो समय लाग्ने भएकाले आफ्नै सक्रियतामा छनोट गर्न लागेको हूँ । आईसीसी र एसीसीमा यसको व्यहोरा जानकारी गराइसकेको छु’, प्रशिक्षक दासले भने ।

आगामी साउन २८, २९ र ३० गते काठमाडौंको भेलोसिटी इन्डोर क्रिकेट मैदानमा छनोट प्रतियोगिता गरी टिम तयार पारिने प्रशिक्षक दासले जानकारी दिए ।

पहिलो चरणबाट ४४ खेलाडी छनोट गरिने प्रशिक्षक दासले जानकारी दिए । जसमा अघिल्लो संस्करणको यू–१९ खेलाडी १४ जना, सात प्रदेशबाट ३–३ जना र खुल्ला छनोटबाट कम्तीमा नौ जनालाई सम्मेलित गरेर प्रारम्भिक टोली बन्नेछ ।

त्यसबाट १९ जनालाई अन्तिम तयारीका लागि बन्द शिविर प्रशिक्षणमा राखिनेछ । अघिल्लो संस्करणको सेमिफाइनलमा पुगेका कारण नेपालले एसिया कपका लागि छनोट प्रतियोगिता खेल्नु पर्नेछैन ।

यो छनोट खुल्ला भएकाले १९ वर्ष पार नभएका सबै खेलाडीले सहभागिता जनाउन पाउने प्रशिक्षक दासको भनाई छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्