मलेसिया प्रिमियर लिगमा सागर पुन चम्किए, सर्वाधिक रन बनाउनेकाे शीर्षस्थानमा

साउन २५, २०७५ शुक्रबार १५:३०:३३ | उज्यालो सहकर्मी

सागर पुनको टोली क्वालालम्पुर मलेसिया प्रिमियर लिगको फाइनलमा प्रवेश गरेको छ ।

शुक्रबार भएको प्रतियोगिताको पहिलो सेमिफाइनलमा क्वालालम्पुरले सिलाङगोरलाई १२२ रनको फराकिलो अन्तरले पराजित गरेको छ ।

टस जितेर पहिले ब्याटिङ गरेको क्वालालम्पुरले ओपनर सागर पुनको शतकीय योगदानको सहयोगाम ४ विकेट गुमाएर ३०५ रनको विशाल योगफल बनाएको थियो । ४२.५ ओभरमा दोस्रो विकेटका रुपमा आउट हुनुअघि सागरले ११८ बल खेलेर १०० रन बनाएका थिए ।

उनले पहिलो विकेटका लागि सइफुल्लाह मलिकसँग मिलेर १२४ रनको शतकीय साझेदारी गरे ।

मलिक ६६ रनमा आउट भएपछि आएका कप्तान अहमद फइजसँग मिलेर उनले दोस्रो विकेटका लागि १२० रनको साझेदारी गरेका थिए ।

कप्तान फइजले ९० रन बनाए । क्वालालम्पुरबाटै खेलिरहेका अर्का नेपाली खेलाडी आसिफ शेख २० रनमा अविजित रहे ।

प्रतियोगितामा सागर पुनको यो दोस्रो शतक हो । उनले प्रतियोगितामा ९ खेलमा ५५ को औषतमा ४४२ रन बढुलेका छन् ।

उनी सर्वाधिक रन बनाउने ब्याट्सम्यानको सूचीमा शीर्ष स्थानमा छन् । प्रतियोगितामा उनले २ शतक र १ अर्धशतक प्रहार गरेका थिए ।

बलिङतर्फ पनि उनले ८ इनिङमा ९ विकेट लिएका छन् ।

३०६ रनको लक्ष्य पछ्याएको सेलाङगोरले ५० ओभर खेलेर ७ विकेटको क्षतिमा १८३ रनमात्र जोड्न सकेपछि क्वालालम्पुरको सहज जित सम्भव भएको हो ।

सेलाङगोरका लागि कप्तान शंकर सतिशले ३५ तथा दभेन्द्रन मोगानले अविजित ५७ रन बनाउनुबाहेक अन्यले सन्तोषजनक प्रदर्शन गर्न सकेनन् ।

बलिङतर्फ क्वालालम्पुरका शेयद अजिजले ३ विकेट लिँदा नेभिल लियानागेले २ विकेट लिए । सागर पुनले किफायती बलिङ गरे पनि विकेट लिन सकेनन् । उनले ४ ओभर बलिङ गरी १ मेडन राख्दै १० रन खर्चिएका थिए ।

उपाधिका लागि क्वालालम्पुरले शनिबार हुने दोस्रो सेमिफाइनलको विजेतासँग आइतबार खेल्नेछ । दोस्रो सेमिफाइनलमा मलेसियाली आर्मी र केवाङसान युनिभर्सिटी आमने सामने हुँदैछन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्