बालिका बलात्कारकाे आरोपमा डोटीमा प्रहरी विरुद्ध मुद्दा दर्ता

कात्तिक १७, २०७७ सोमबार १९:१३:५१ | विमल बिष्ट

डोटीमा बालिका बलात्कार गरेको आरोपमा एकजना प्रहरी जवान विरुद्ध मुद्दा दर्ता भएको छ ।

जोरायल गाउँपालिका–५ गडसेरामा रहेको अस्थायी प्रहरी चौकीमा कार्यरत २४ वर्षीय प्रहरी जवान सुशिल सिंहले त्यही ठाउँकी १५ वर्षीया बालिकालाई बलात्कार गरेको आरोपमा जिल्ला प्रहरी कार्यालयमा आज मुद्दा दर्ता भएको हो ।
जिल्ला प्रहरी कार्यालय डोटीका अनुसार बालिकालाई विवाह गर्ने प्रलोभन देखाइ बलात्कार गरेको भन्ने पीडित बालिकाको उजुरीका आधारमा प्रहरी जवान सिंह विरुद्ध मुद्दा दर्ता गरिएको हो ।

प्रहरी जवान सिंहले यही कात्तिक १३ गते राति बालिकालाई बलात्कारपछि हत्या प्रयास गरेको पीडित बालिकाका आफन्तले आरोप लगाएका छन् । राति ११ बजे बालिकाको घरमा उनी सुतेकै कोठामा पुगेर बलात्कार गरेको र उनलाई घिसार्दै घरदेखि तल रुखमा झुण्ड्याएको र पछि बालिका अर्धचेत अवस्थामा भेटिएको आफन्तको भनाइ छ ।

‘सुनसान रात थियो, राति कोही चिच्च्याएको आवाज आयो’, पीडित बालिकाका बुवाले भन्नुभयो, ‘को रहेछ भनेर हेर्न गएको छोरीलाई उसैको दोपट्टाले रुखमा झुण्ड्याएको अवस्थामा भेट्यौँ र हतार हतार दोपट्टा काटेर बचायौँ ।’

अचेत अवस्थामा भेटिएकी छोरीलाई सेती प्रादेशिक अस्पताल धनगढीमा उपचारपश्चात होस आएपछि आज बल्ल बलात्कारको मुद्दा दर्ता गर्न जिल्ला प्रहरी कार्यालय आएको पीडितका बुवाले बताउनुभयो ।

बालिकाको घाँटीमा दोपट्टाले लगाएको घाउ प्रष्टै देखिने भएकाले घटनाको सत्यतथ्य बुझ्नका लागि अधिकृतको कमाण्डमा प्रहरी टोली खटाइएको जिल्ला प्रहरी कार्यालय डोटीका प्रहरी प्रमुख जनकराज पाण्डेले बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्