धनकुटाको महालक्ष्मी नगरपालिकाले आईसीयूमा भर्ना हुनुपर्ने सङ्क्रमितलाई २५ हजार सहयोग गर्ने

कात्तिक २१, २०७७ शुक्रबार १०:५८:३८ | सन्ताेष रुचाल

धनकुटा - धनकुटाको महालक्ष्मी नगरपालिकाले कोरोना सङ्क्रमणपछि आईसीयूमा भर्ना भएर उपचार गर्नुपर्ने बिरामीलाई उपचार खर्च सहयोग गर्ने भएको छ ।

आईसीयूमा नै उपचार गराउनुपर्ने बिरामीलाई उपचार खर्चका लागि प्रतिव्यक्ति २५ हजार रुपैयाँसम्म आर्थिक सहयोग गर्ने निर्णय भएको नगरपालिकाका प्रमुख परशुराम नेपालले बताउनुभयो । धनकुटा अस्पतालमा आईसीयू नहुँदा बिरामीलाई उपचार गर्न धरान, विराटनगर, काठमाण्डौलगायतका अस्पतालमा पुर्याउने गरिएको छ ।

कोरोना सङ्क्रमण भएर आईसीयूको उपचार गर्न खर्चिलो हुने भएकाले राहतस्वरुप उपचार खर्च सहयोग गर्ने निर्णय गरेको नगर प्रमुख नेपालले बताउनुभयो । त्यस्तै कोरोनाको लक्षणयुक्त सङ्क्रमितको पीसीआर परीक्षण गर्दा सङ्क्रमण पुष्टि भएमा परीक्षण शुल्कमा ५० प्रतिशत रकम सहयोग गर्ने पनि निर्णय भएको छ ।

नगरपालिकाले आधा रकम व्यहोर्ने भएकाले सङ्क्रमण पुष्टि हुने महालक्ष्मी नगरपालिकाका बासिन्दाले आधा रकम मात्रै खर्च गर्नुपर्नेछ । सङ्क्रमण पुष्टि भएकालाई अस्पताल लैजान एम्बुलेन्स निःशुल्क उपलब्ध गराउने र ज्यान गएमा शववाहन खर्चसमेत नगरपालिकाले नै व्यहोर्ने निर्णय गरिएको नगरपालिकाका प्रमुख प्रशासकिय अधिकृत सूर्य सुवेदीले जानकारी दिनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्