डोटीको जोरायल गाउँपालिकाका सबै वडामा सडक सञ्जालमा जाेडिए

मंसिर ७, २०७७ आइतबार १२:४४:२५ | विमल बिष्ट

डोटी - डोटीको जोरायल गाउँपालिकाका ६ वटै वडा सडक सञ्जालमा जोडिएका छन् ।

गाउँपालिकाको एक करोडको लगानीमा त्यहाँका सबै वडाहरुमा सडक सञ्जाल पुगेको हो । सबै वडाभरिमा सडक सञ्जाल पुगेपछि स्थानीयवासीलाई यातायातका लागि सहज भएको छ । सडक पुगेपछि गाउँमा उत्पादन भएका तरकारी तथा अन्य चिजवस्तु बजारसम्म पुर्याउन सहज भएको जोरायल गाउँपालिका–५ गड्सेराका दीद्र्दबहादुर बोगटीले बताउनुभयो ।

उहाँले भन्नुभयो,'सबै गाउँमा सडक पुगेको छ, किसानले उत्पादन गरेका चिजवस्तु बजारसम्म पुर्याउन सहज भएको छ, किसानको आयस्तर बढ्नेछ ।' गाउँपालिकाका हरेक वडा कार्यालयमा सडक सञ्जाल पुर्याउने उद्देश्यले सडक विस्तारको काम गरेको गाउँपालिका अध्यक्ष दुर्गादत्त ओझाले बताउनुभयो ।

उहाँले भन्नुभयो,'पाँच वर्षभित्र सबै वडा कार्यालयमा सडक पुर्याउने उदेश्यअनुसार हामीले काम अगाडि बढाएका थियौँ, समयमै काम सकियो यही खुसीको विषय हो ।' वडा कार्यालयसम्म सडक सञ्जाल पुर्याउने कामसँगसँगै टोलटोलमा सडक सञ्जाल विस्तार गर्ने योजना गाउँपालिकाको रहेको उपाध्यक्ष जमुना बोहराले जानकारी दिनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्