अब विदेशमा काम गर्ने कामदारको पनि सञ्चय कोष, योगदानमा आधारित कोष पनि ल्याउने तयारी

 भदौ १, २०७५ शुक्रबार १६:२३:६ | उज्यालो सहकर्मी

काठमाडौं – अब विदेशमा काम गर्ने कामदारको लागि पनि सञ्चय कोषको व्यवस्था हुने भएको छ । श्रम, रोजगार तथा सामाजिक सुरक्षा मन्त्रालयले विदेश जाने कामदारको सञ्चय कोषको व्यवस्था गर्ने गरी काम अघि बढाएको छ । 

सञ्चय कोषको व्यवस्था गर्न मंगलबार अध्ययन कार्यदल समेत गठन भएको मन्त्रालयका प्रवक्ता प्रकाश दाहालले जानकारी दिनुभयो ।

मन्त्रालयले कर्मचारी सञ्चय कोष, राष्ट्र बैंक र मन्त्रालयका अधिकारीसहितको कार्यदल बनाएको हो । विदेशमा काम गर्न जाने कामदारका लागि कोषको स्थापना गर्न कानूनी तथा प्राविधिक समस्या रहेकोले अध्ययनपछि आउने सुझावको आधारमा काम अघि बढाउने प्रवक्ता दाहालले बताउनुभयो । 

‘विदेश रहेका रोजगारदातासँग समन्वय गर्नुपर्ने हुन सक्छ, कानुनी आधारबाट पैसा पठाउन लगाएर त्यसमार्फत कोषमा जम्मा गर्न लगाउन पनि सकिन्छ,’ प्रवक्ता दाहालले उज्यालो अनलाइनसँग भन्नुभयो, ‘गाह्रो छ, तर अध्ययन प्रतिवेदन आएपछि त्यही अनुसार कार्यक्रमलाई अघि बढाउने छौं ।’

कोषबाट आउने ब्याजबाट कामदारका नेपालमा रहेका परिवारलाई सामाजिक सुरक्षा दिन सकिनेछ । नेपालमा रहेका सबै श्रमिकको सञ्चय कोषको व्यवस्था गर्न अहिलेकै सामाजिक सुरक्षा कोषलाई सक्रिय बनाउने मन्त्रालयको तयारी छ । 

उमेर छउन्जेल सबैले काम गर्छन्, तर काम गर्न नसक्ने भएपछि वा अशक्त भएमा अप्ठ्यारो पर्ने भएकाले त्यस्तो परिस्थितिमा सहज होस् भन्ने उदेश्यले सञ्चय कोषको व्यवस्था गर्न लागिएको प्रवक्ता दाहालले बताउनुभयो ।

योगदानमा आधारित सामाजिक सुरक्षा कोष ल्याउँदै 

सरकारले योगदानमा आधारित सामाजिक सुरक्षा कोष पनि ल्याउने भएको छ । यसबारेको नियमावली बनेको र केही समय भित्रै नियमावली मन्त्रीपरिषदमा पेश गर्ने सामाजिक सुरक्षा कोषका कार्यकारी निर्देशक श्यामराज अधिकारीले जानकारी दिनुभयो । 

‘नियमावली अहिले कानुन मन्त्रालयमा रायका लागि पठाइएको छ, कानुन मन्त्रालयको रायपछि त्यसलाई मन्त्रीपरिषदमा पेश गरिने छ,’ उहाँले भन्नुभयो, ‘अबको डेढदेखि दुई महिना भित्रमा सामाजिक सुरक्षा कोष ल्याउने तयारी छ ।’

यो कोषमा सबै श्रमिक र स्वरोजगार व्यक्ति सहभागी हुन सक्ने उहाँले जानकारी दिनुभयो । श्रमिकको हकमा भने रोजगारदाता र श्रमिक दुवैले कोषमा निश्चित रकम राख्नुपर्नेछ । 

कोषमा योगदान गरेको आधारमा श्रमिकले सेवा पाउने निर्देशक अधिकारीले बताउनुभयो । उहाँले भन्नुभयो, ‘बिरामी, दुर्घटना लगायत थुप्रै अवस्थामा कोषबाट सेवा पाइन्छ, तर कति र कसरी पाइने भन्नेबारे अहिले भन्न सकिंदैन, त्यसमा लागि दुई महिना पर्खनु पर्छ ।’

अन्तिम अपडेट: मंसिर ७, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

3 Comments

  • Jaiswal raj

    Aug. 18, 2018, 7:20 a.m.

    Hello

  •  0 Reply

  • Assish Chettri

    Aug. 17, 2018, 5:32 p.m.

    Aba Baideshik rojgari bata lutne yojanna matrai hola garne ke hoina

  •  0 Reply

  • Pashupati Karkee

    Aug. 17, 2018, 4:41 p.m.

    ल यो चाँही राम्रो कार्य हुन लाग्यो सफलता मिलोस हामी बैदेशिक रोजगारी मा रहनेका लागि फलदायी योजना । उमेर बित्छ पैसा सकिन्छ बुढो भएसी कम्पनिले धपाउछ । करीब सबै पसिना बिदेशी भुमी मै परिवार पाल्दा पाल्दै बित्छ जुनी नै ।

  •  0 Reply

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

बगेर खेर गइरहेछ भोटको नुन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई