बाँके राष्ट्रिय निकुञ्जकाे खाेरबाट नरभक्षी बाघ भागेपछि उच्च सतर्कता

चैत १२, २०७७ बिहीबार ९:९:७ | उज्यालो सहकर्मी

काठमाण्डाै - बाँके राष्ट्रिय निकुञ्जले खोरमा थुनेर राखेको पाटेबाघ भागेपछि उच्च सतर्कता अपनाएको छ ।

नरभक्षी बाघ खोरबाट भागेपछि उच्च सर्तकता अपनाइएको निकुञ्जले जनाएको छ । निकुञ्जका प्रमुख संरक्षण अधिकृत श्यामकुमार शाहले सुरक्षितरूपले खोरमा राखिएको बाघ आफैँ निस्किएपछि निकुञ्जअन्तर्गत पर्ने राजमार्ग र मध्यवर्ती क्षेत्रमा सतर्कता अपनाउन भनिएको उहाँले बताउनुभयो ।

यसैबीच बर्दिया राष्ट्रिय निकुञ्जले विज्ञप्ति निकालेर मध्यवर्ती क्षेत्रका स्थानीय बासिन्दालाई अत्यावश्यक कामबाहेक जङ्गलभित्र प्रवेश नगर्न आग्रह गरेकाे छ । वन क्षेत्रमा बालबालिका र वृद्धालाई प्रवेशमा रोक लगाइएको छ ।

मध्यवर्ती वन क्षेत्रमा जानुपरेमा समूह बनाएर प्रवेश गर्ने र एक्लै वन क्षेत्रमा प्रवेश गर्न नपाइने निकुञ्जले जनाएको छ । यस्तै पशु चौपायालाई खुल्ला चरिचरण नगर्ने, रातको समयमा वन क्षेत्रको बाटो भएर यात्रा नगर्ने र हिंस्रक वन्यजन्तु बस्तीमा प्रवेश गरेर तत्काल निकुञ्जमा खबर गर्न पनि निकुञ्जले आग्रह गरेको छ ।

बर्दियाको खाता जैविक मार्गबाट यही चैत ५ गते नियन्त्रणमा लिइएको बाघलाई डिभिजन वन कार्यालय बर्दियाले बाँके राष्ट्रिय निकुञ्ज समक्ष बुझाएको थियो । बाँके निकुञ्जको खैरी पोष्ट क्षेत्रमा राखिएको खोरबाट मङ्गलवार बिहान ६ बजेतिर बाघ भागेपछि निकुञ्जअन्तर्गत पर्ने पूर्वपश्चिम र रत्न राजमार्ग तथा मध्यवर्ती क्षेत्रमा उच्च सर्तकता अपनाइएको जनाइएको छ ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाँके राष्ट्रिय निकुञ्जकाे खाेरबाट नरभक्षी बाघ भागेपछि उच्च सतर्कता

फाइल फाेटाे

तपाईको प्रतिक्रिया