इजिप्टमा रेल दुर्घटना हुँदा ३२ जनाको ज्यान गयो, सयौँ घाइते

चैत १४, २०७७ शनिबार १३:५:४७ | उज्यालो सहकर्मी

काठमाण्डौ – इजिप्टको सोहाग प्रान्तको टहटा शहर नजिकै शुक्रबार भएको रेल दुर्घटनामा परि ३२ जनाको ज्यान गएको छ ।

यात्रु बोकेका दुई रेल एक आपसमा ठोक्किँदा ३२ जनाको ज्यान गएको र एक सय ६५ जना घाइते भएको बीबीसीले जनाएको छ । दुर्घटना भएको ठाउँ इजिप्टको राजधानी कायरोबाट तीन सय ६५ किलोमिटर दक्षिणमा पर्छ ।

रेलमार्गमा अज्ञात व्यक्ति आएपछि अचानक ब्रेक लाग्दा रेल दुर्घटना भएको रेल विभागका अधिकारीहरुले बताएका छन् । दुर्घटना क्षेत्रमा घाइतेहरुलाई अस्पतालसम्म पुर्याउनको लागि ७० भन्दा बढी एम्बुलेन्स पठाएको जनाइएको छ ।

इजिप्टका राष्ट्रपति अब्दुल फता अल सिसिले यो दुर्घटनाको लागि जिम्मेवार व्यक्तिलाई कडा कारबाही हुने बताउनुभएको छ ।

‘जो जसले भए पनि लापरबाही गरेर यस्तो दुर्घटना निम्तियो, उसलाई कडा भन्दा कडा कारबाही हुनेछ’, राष्ट्रपति अल सिसिले ट्वीट गर्नुभएको छ ।

इजिप्टको रेल वे प्रणाली कमजोर भएको र मर्मत नगरेका कारण बारम्बार यस्ता दुर्घटना भइरहेको बीबीसीले लेखेको छ । यो भन्दा पहिले सन् २००२ मा पनि इजिप्टमा रेल दुर्घटना हुँदा ३ सय ७३ जनाले ज्यान गुमाएका थिए ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्