सुरेन्द्र पाण्डेको स्पष्टीकरण : ‘शत्रुलाई पठाइएको जस्तो तपाईँको पत्रको जवाफ लेखिरहनु आवश्यक थिएन’

चैत १७, २०७७ मंगलबार १९:२६:५३ | उज्यालो सहकर्मी

काठमाण्डाै – नेपाल कम्युनिस्ट पार्टी एमालेका स्थायी कमिटी सदस्य सुरेन्द्र पाण्डेले प्रधानमन्त्री तथा पार्टीका अध्यक्ष केपी शर्मा ओलीले सोधेको स्पष्टीकरणको जवाफ दिनुभएको छ । शत्रुलाई पठाएको जस्तो पत्रको जवाफ दिन आवश्यक नरहेको बताउँदै उहाँले आफूलाई लगाइएको आरोप कति मिथ्या छन् भनेर पत्रको जवाफ पठाएको स्पष्टीकरणमा उल्लेख गर्नुभएको छ ।

ओलीले पार्टीमा राजनीतिक, वैचारिक तथा सैद्धान्तिक रूपमा नेतृत्व गर्न असफल भएको उहाँले बताउनुभयो । उहाँले गुटका निर्णय पार्टीको निर्णय हुन नसक्ने पाण्डेले लेख्नुभएको छ ।

पाण्डेले पत्रमा लेख्नुभएको छ, ‘शत्रुलाई पठाइएको जस्तो तपाईँको पत्रको जवाफ लेखिरहनु आवश्यक थिएन अर्थात् तपाईँले पठाउनु भएको मिथ्या पत्रका बारेमा स्पष्टीकरण दिनुपर्ने त हुँदै होइन, कुनै पनि उत्तरसमेत लेख्न जरुरी छैन तर तपाईँले लगाउनुभएका आरोपहरू कति पूर्वाग्रही छन् र तपाईँका दाबीहरू कति झुटा छन् भन्ने कुरा पार्टी पङ्क्तिलाई जानकारी गराउनुपर्ने भएकोले यो पत्र लेख्दै छु । विभिन्न मन्त्रालयका अधिनमा रहको संस्थाहरूलाई प्रधानमन्त्री कार्यालयका अधिनमा राखी तपाईँले दुरुपयोग गर्नुभयो र मन्त्रालयहरूलाई निकम्मा बनाउनुभयो । यस्ता अनेक कार्य र सरकारको असफलतापछि संसद् विघटनजस्तो असंवैधानिक कदम चाल्नुभयो । यी सबैको भारी यो पार्टी र आन्दोलनलाई त बोकाउनु नै भयो तर त्यतिले नपुगेर अझै पार्टी विभाजन गर्न खोज्दै हुनुहुन्छ भन्ने कुरा रहस्यमय देखिन्छ ।’

आफूमाथिकाे आराेपकाे खण्डन गर्दै नेता पाण्डेले वैधानिक अध्यक्षको हैसियत भएको व्यक्तिले नक्कली हैसियत किन खोज्नभएको हो ? भन्दै ओलीलाई प्रश्न गर्नुभएकाे छ । ‘पार्टीको अध्यक्ष जस्तो जिम्मेवारीमा रहेको व्यक्तिले पार्टीको वैधानिक व्यवस्थालाई भत्काउने र पार्टीलाई अराजकतातर्फ धकेल्ने काममा किन लाग्नुभएको हो भनेर तपाईँले नै स्पष्ट पार्नु पर्ने देखिन्छ’, उहाँले पत्रमा लेख्नुभएकाे छ ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सुरेन्द्र पाण्डेको स्पष्टीकरण : ‘शत्रुलाई पठाइएको जस्तो तपाईँको पत्रको जवाफ लेखिरहनु आवश्यक थिएन’

फाइल फाेटाे

तपाईको प्रतिक्रिया