अलमुताइरीकाे आराेप पुष्टि भए राजीनामा दिन तयार छु : पंकजविक्रम नेम्वाङ

साउन १०, २०७८ आइतबार २०:१५:५ | उज्यालो सहकर्मी

काठमाण्डाै – सामाजिक सञ्जाल फेसबुकमा राष्ट्रिय फुटबल टाेलीका मुख्य प्रशिक्षक अबदुल्लाह अलमुताइरीले राजीनामाको घोषणा गरे पनि अखिल नेपाल फुटबल सङ्घ (एन्फा) ले आधिकारिक रूपमा नआएको जनाएको छ । उपाध्यक्ष पंकजविक्रम नेम्वाङका कारण राजीनामा दिन बाध्य भएको भन्दै अलमुताइरीले राजीनामाकाे घोषणा गरेका थिए । तर उपाध्यक्ष नेम्वाङले आफूमाथि आक्षेप लगाउने षड्यन्त्र भएको प्रतिक्रिया दिनुभएकाे छ ।

अखिल नेपाल फुटबल सङ्घका प्रवक्ता किरण राईका अनुसार प्रशिक्षक तनावमा रहेको र आराम गर्न चाहेको भन्दै एन्फामा पुगेका हुन् । अलमुताइरीले एन्फाका वरिष्ठ उपाध्यक्ष पंकज नेम्वाङका कारण राजीनामा दिन लागेको सामाजिक सञ्जालमा लेखेका थिए ।

तर पंकज नेम्वाङले भने प्रशिक्षकको अभिव्यक्तिले आश्चर्य भएको प्रतिक्रिया दिनुभएकाे छ । नेम्वाङले मुख्य प्रशिक्षकले आफूलाई जोडेर राजीनामा दिन बाध्य भएको आक्षेप आउँदाे चुनावका निम्ति षडयन्त्र भएको र यसबारे अध्यक्ष कर्मा छिरिङ शेर्पालाई छानबिनका लागि आग्रह गरेको बताउनुभयाे । उहाँले आरोप पुष्टि भए आफू तत्काल राजीनामा दिन तयार भएको प्रतिक्रिया दिनुभयाे ।

अखिल नेपाल फुटबल सङ्घले गएकाे चैतमा कुवेतका प्रो–लाइसेन्स प्राप्त प्रशिक्षक अलमुताइरीलाई मुख्य प्रशिक्षकमा नियुक्त गरेको थियो । एएफसी कोचिङ इन्स्ट्रक्टरसमेत रहेका अब्दुल्लाहलाई एन्फाले एक वर्षका लागि मुख्य प्रशिक्षकको जिम्मेवारी दिएसँगै नेपालले कुवेतमा विश्वकप छनाेटका तीन खेल खेलिसकेको छ भने इराकसँग एक मैत्रीपूर्ण खेल पनि खेलेको छ । साफ च्याम्पियनशिपलाई मध्यनजर गर्दै उनकै प्रशिक्षणमा नेपालले बन्द प्रशिक्षणमा रहेर तयारी गरिरहेको छ । यद्यपि साफ च्याम्पियनशिपको आयोजना कहाँ हुने यकिन भइसकेको छैन ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्