कुवेतले ६० वर्ष पुगेका कामदार भर्ती नगर्ने, अनुभवी र सीप भएकाले भने काम पाउने

भदौ २१, २०७५ बिहीबार १७:५०:४७ | उज्यालो सहकर्मी

कुवेत – कुवेतले ६० वर्ष उमेर पुगेका विदेशी कामदार भर्ती नगर्ने भएको छ । जनसंख्याको असन्तुलन हटाउन र श्रम बजारमा सुधार ल्याउन कुवेतले नयाँ नियम ल्याउने भएको हो ।

६० वर्ष उमेर पुगेका कुनै पनि विदेशी कामदारको भिसा पनि नविकरण नगर्ने र नयाँ कामदार पनि भर्ती नगर्ने नयाँ नियममा उल्लेख छ ।

केही पदमा भने धेरै अनुभव र सीप भएका कामदार चाहिने हुँदा त्यस्ता पदका लागि कामदार भर्ती गर्दा भने यो नियमले असर नगर्ने कुवेतले जनाएको छ । धेरै अनुभव र सीपयुक्त कामदार चाहिएमा रोजगारदाताले ६० वर्ष कटेका कामदारलाई पनि भर्ती गर्न सक्नेछन् ।

६० वर्ष नाघेका कामदारको संख्या घटाउन र कामदारकै क्षमता बढाउनका लागि पनि यो नियम ल्याइएको हो ।

त्यस्तै, पारिवारिक भिसा एक महिना भन्दा बढी नदिइने भएको छ । अहिले भिजिट र पारिवारीक भिजिट भिसा नविकरण गर्ने नियम थियो । कुवेतले यो हप्ता मात्रै निजी क्षेत्रमा काम गर्ने तीन हजार १४० जना विदेशी कामदारको सम्झौता रद्द गरेको गल्फ न्युजमा उल्लेख छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्