धादिङमा ८३ हजारलाई वैदेशिक रोजगार सम्बन्धी सूचना दिइयो, अब स्थानीय तहले गर्नुपर्नेमा जोड

भदौ २६, २०७५ मंगलबार १४:४३:७ | उज्यालो सहकर्मी

रामकुमार थापा/धादिङ ।

धादिङ – जिल्लाका झण्डै ८३ हजार जनालाई वैदेशिक रोजगार सम्बन्धी सूचना दिइएको छ ।

चन्द्रज्योति एकीकृत ग्रामिण विकास समाज सिड्स धादिङले सुरक्षित आप्रवासन सामी परियोजना अन्तर्गत ४ वर्षको अवधिमा ८२ हजार ५३७ जनालाई सूचना तथा परामर्श दिइएको सिड्सका कार्यकारी निर्देशक गोकर्ण रुपाखेतीले जानकारी दिनुभयो ।

त्यस्तै सूचना केन्द्रमा वैदेशिक रोजगारका कारण ठगीमा परेका, सम्पर्कबिहीन भएका, सम्झौता अनुसार काम र तलब नपाएका र उद्धार लगायतका ४५४ वटा निवेदन परेका छन् । ती मध्ये ३६७ वटा समस्या समाधान भएको कार्यकारी निर्देशक रुपाखेतीले बताउनुभयो ।

यक्तिगत मनोपरामर्श सेवा १५१ जनालाई दिइएको र ४१८ जनामा समूहमा मनोपरामर्श सेवा सञ्चालन गरिएको छ । प्रमुख जिल्ला अधिकारी भागीरथ पाण्डेयले धादिङमा वैदेशिक रोजगारीमा देखिएका समस्या समाधान र व्यवस्थापनका लागि स्थानीय निकायले नै भूमिका खेल्ने बताउनुभएको छ ।

वैदेशिक रोजगारीलाई सुरक्षित, मर्यादित र भरपर्दो बनाउन सामी परियोजनाले महत्वपूर्ण भूमिका खेलेको भन्दै उहाँले अब स्थानीय तहले आ–आफ्नो नीति तथा कार्यक्रम मार्फत काम गर्नुपर्नेमा जोड दिनुभयो ।

सिड्स धादिङले सामी परियोजना अन्तर्गत सुरक्षित वैदेशिक रोजगारीका लागि विभिन्न काम गर्दै आइरहेको थियो । परियोजना सकिनै लाग्दा अब स्थानीय निकायले नै यसलाई प्रथमिकता दिने उहाँको भनाई थियो ।

जिल्ला समन्वय समितिका प्रमुख जगन्नाथ नेपालको अध्यक्षतामा सम्पन्न भएको कार्यक्रममा जिल्ला प्रहरी प्रमुख लगायत स्थानीय जनप्रतिनिधि, विभिन्न सरकारी कार्यलयका प्रमुख एवं प्रतिनिधि, सरोकारवाला निकायका प्रतिनिधि लगायतको उपस्थिती थियो ।

परियोजना सञ्चालनका लागि ४ वर्षको अवधिमा दुई करोड ३५ लाख ५३ हजार ६९ रुपैयाँ खर्च भएको कार्यकारी निर्देशक रुपाखेतीले जानकारी गराउनुभयो ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्