सन्धिखर्कमा किसानलाई घाँस काट्ने र भकाराे फाल्ने मेशिन अनुदानमा वितरण

माघ २५, २०७८ मंगलबार १८:३४:३८ | प्रेमनारायण आचार्य

अर्घाखाँची – अर्घाखाँचीको सन्धिखर्क नगरपालिकाले व्यावसायिक पशुपालक किसानलाई घाँस काट्ने च्याप कटर मेशिन र भकारो फाल्ने प्रेसर वासर मेशिन अनुदानमा वितरण गरेको छ ।

किसानलाई सहज होस् भन्ने उद्देश्यले नगरपालिकाभित्रका १२ वडाका १२ किसानलाई च्यापकटर र प्रेसर वासर ७५ प्रतिशत अनुदानमा वितरण गरिएको मेयर कमलप्रसाद भुसालले बताउनुभयो । दूध तथा मासु उत्पादन बढाउने उद्देश्यले च्यापकटर र प्रेसर वासर मेशिन वितरण गरिएको उहाँले बताउनुभयो ।

किसानहरूको मागका आधारमा स्थलगत अनुगमन गरी व्यावसायिक पशुपालकहरूलाई सामाग्री वितरण गरिएको नगरपालिकाका प्रमुख प्रशासकीय अधिकृत नारायण अर्यालले बताउनुभयो ।

कृषि पेसालाई प्रविधिमैत्री बनाउँदा किसानहरूले कम समयमा बढी उत्पादन गरेर आर्थिक समृद्धि हासिल गर्ने भएकाले कृषि र पशुपालनलाई पहिलो प्राथमिकतामा राखेर काम गरिरहेको उपमेयर ठाकुर कुमार विकले बताउनुभयो ।

७५ प्रतिशत अनुदानमा घाँस काट्ने र प्रेसर वासर पाएपछि किसानहरू खुसी भएका छन् । व्यावसायिक पशुपालन गरिरहेकाहरूलाई अनुदानमा विभिन्न सामग्री दिएकोमा आफूहरूलाई सहयोग र हौसला प्राप्त भएको सन्धिखर्क ८ किमडाँडाका किसान नेत्र पराजुलीले बताउनुभयो ।

अन्तिम अपडेट: मंसिर २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्