लुम्बिनी प्रदेश : पालिकास्तरको मत विश्लेषण गरेर सिट बाँडफाँट गर्ने तयारीमा सत्तारुढ गठबन्धन

चैत २५, २०७८ शुक्रबार ११:३५:१ | भवानीप्रसाद पाण्डे

रुपन्देही - लुम्बिनी प्रदेशमा सत्तारुढ गठबन्धनले पालिकास्तरमा मतको विश्लेषण गरेर सिट बाँडफाँट गर्ने तयारी गरेको छ।

१०९ पालिकाको धरातलीय अवस्थाको अध्ययन गरी चैत्र २६ गते आइतवारसम्म रिपाेर्ट बुझाउन सम्बन्धित पार्टीका जिल्ला समितिहरुलाई निर्देशन दिएको नेपाली कांग्रेस लुम्बिनी प्रदेशका सभापति अमरसिंह पुनले जानकारी दिनुभयो ।

प्रदेशभित्र सत्तारुढ गठबन्धनलाई बलियो र मजबुद बनाउनका लागि नियमित बैठक बस्ने तथा निर्वाचन योजना निर्माण गर्ने सत्ता गठबन्धनको बैठकले निर्णय गरेको हो ।

जिल्लागत अवस्था प्राप्त भए पनि चैत्र २७ गते बस्ने गठबन्धनको बैठकले वैशाख ३० गते हुने स्थानीय चुनावका लागि तालमेलको मोडालिटी तय गर्न सक्ने सम्भावना रहेको नेकपा एकीकृत समाजवादीका लुम्बिनी प्रदेश अध्यक्ष मेटमणि चौधरीले जानकारी दिनुभयो।

बैठकमा नेपाली कांग्रेसका लुम्बिनी प्रदेश सभापति अमरसिंह पुन, माओवादी केन्द्रका प्रदेश अध्यक्ष सुदर्शन बराल, एकीकृत समाजवादीका प्रदेश अध्यक्ष मेटमणि चौधरी, जनता समाजवादीका अध्यक्ष अशोककुमार यादव र राष्ट्रिय जनमोर्चाका उपाध्यक्ष बद्रे आलमको सहभागिता रहेको थियो। ३ दिनअघि बसेको बैठकमा एकीकृत समाजवादी अनुपस्थित भएपछि गठबन्धनबाट एकीकृत समाजवादी बाहिरिएको भन्ने चर्चा चलेको थियो।

अन्तिम अपडेट: पुस ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भवानीप्रसाद पाण्डे

रुपन्देहीका उज्यालो सहकर्मी भवानीप्रसाद पाण्डे बुटवल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्