ए डिभिजन लिगको ट्रफी टुर सुरु

 असोज १, २०७५ सोमबार १८:४४:५९ | उज्यालो सहकर्मी

काठमाडौं – अखिल नेपाल फुटबल संघ एन्फाले  सहिद स्मारक ए डिभिजन लिगको ट्रफी टुर सुरु गरेको छ । 

त्रिपुरेश्वरमा रहेको दशरथ रंगशालामा एन्फाका अध्यक्ष कर्माछिरिङ शेर्पाले ट्रफी टुरको शुभारम्भ गरेका हुन् । २०७२ वैशाख १२ गतेको भूकम्पले क्षतिग्रस्त रंगशाला पुनर्निर्माणकै चरणमा रहेकाबेला एन्फाले  पहिलो पटक औपचारिक कार्यक्रम रंगशालामा गरेको हो ।  उपत्यकाका विभिन्न सात स्कूलहरुमा  गरिने ट्रफी टुर अन्र्तगत आज विश्व निकेतनका विद्यार्थीहरु  सहभागी भएका थिए ।

‘स्कोर अ गोल’ नाम दिइएको ट्रफी टूरमा नेपालका अन्तरराष्ट्रिय खेलाडी, प्रशिक्षक र सेलिब्रेटीहरुको समेत उपस्थिति थियो ।

यो टुर काठमाडौंका पाँच विद्यालय तथा ललितपुर र भक्तपुरको एक–एक स्थानमा  गरी सात स्थानमा गरिने छ ।

ट्रफी टुरको शुभारम्भ गर्दै एन्फा अध्यक्ष शेर्पाले ग्रास रुटसम्म फुटबल पुर्‍याउन यो कार्यक्रम गरिएको जानकारी दिए । विद्यालय तहबाटै खेलाडीहरु उत्पादन हुने भएकाले उनीहरुमा फुटबलप्रति खेलभावना जगाउन  ट्रफी टुरको परिकल्पना गरिएको पनि बताए । उनले बालबालिकाहरुलाई फुटबलमा लाग्दा  भविष्यमा  राम्रो खेलाडी बन्न सक्ने बताएका थिए ।

नेपाली टिमका कप्तान विराज महर्जनले पहिला नेपालीहरुले फिफाले विश्वकप ट्रपी  टुर गरेको सम्झँदै   एन्फाले गरेको यो कामको प्रशंसा गरेका थिए ।

पूर्व  कप्तान उपेन्द्रमान सिंहले सानै उमेरदेखि फुटबलमा  लाग्न प्रेरणा दिने उद्देश्यले एन्फाले ग्रासरुट कार्यक्रम सुरु गरेको जानकारी दिँदै यसले भविष्यमा राम्रो गर्ने बताए ।

अन्तिम अपडेट: मंसिर १६, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

नेपालमा आयाेजना हुने काभा पुरुष भलिबल क्लब च्याम्पियनशिपमा ५ वटा टाेली

२

एनपीएलको विजेताले एक करोड ११ लाख रुपैयाँ पुरस्कार पाउने

३

एनपीएलको उद्घाटन खेलमा विराटनगरलाई हराउँदै जनकपुरको विजयी शुरुवात

४

काठमाण्डौको तारकेश्वरमा बसको ढोकाबाट खसेर दुई जनाको ज्यान गयो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई