मलेसियामा विषाक्त रक्सीको असर : सुरक्षा सतर्कता अपनाउन नेपाली दूतावासको आग्रह

असोज ३, २०७५ बुधबार १२:३९:४० | उज्यालो सहकर्मी

मलेसिया – मलेसियामा विषाक्त रक्सीका कारण ६ नेपालीसहित १९ जनाको ज्यान गएपछि नेपाली दूतावासले सुरक्षा सतर्कता अपनाउन आग्रह गरेको छ ।

नजिकिंदै गरेको दसैँ, तिहार र छठ पर्वमा यस्ता घटना दोहोरिने सम्भावना भएकाले सतर्कता अपनाउन दूतावासले आग्रह गरेको हो ।

विषाक्त रक्सीका कारण ज्यान गुमाउने ६ नेपालीका परिवारप्रति समवेदना व्यक्त गर्दै नेपाली दूतावासले मलेसियामा रहेका सबै नेपालीलाई विशेष सावधानी अपनाउन भनेको छ ।

दूतावासका अनुसार मलेसियामा विषाक्त रक्सीका कारण बेलाबेला केहीको ज्यान जाने गरे पनि यति धेरै नेपालीको ज्यान गएको र बिरामी परेको यो पहिलो घटना हो ।
यस्ता घटना नहोस् भनेर दूतावासले विभिन्न सचेतनामूलक सन्देशसहित सतर्कता अपनाउन अनुरोध गरे पनि बेलाबेला रक्सीका कारण नेपाली कामदारको ज्यान जाने गरेको जनाएको छ ।

दूतावासले मलेसियाको हावापानी, वातावरण र संस्कृति नेपालको भन्दा फरक भएकाले आफ्नो स्वास्थ्य तथा सुरक्षामा थप सतर्कता तथा अपनाउन अपील गरेको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्