बतास समूहलाई पशुपति धर्मशालामा होटल चलाउन दिएको अन्तरकालीन आदेश बदर

जेठ १८, २०७९ बुधबार २०:१०:३१ | विमल बिष्ट

काठमाण्डौ – जिल्ला अदालत काठमाण्डौले बतास समूहलाई नेपाल–भारत मैत्री पशुपति धर्मशालामा होटल सञ्चालन गर्न दिने गरी यसअघि गरेको अन्तरकालीन आदेश बदर गरेको छ ।

आज बुधवार न्यायाधीश विनोदकुमार पोखरेलको इजलासले यसअघि काठमाण्डौ जिल्ला अदालतले बतास समूहको पक्षमा दिएको अन्तरकालीन आदेश बदर गरेको पशुपति क्षेत्र विकास कोषका कोषध्यक्ष नारायण सुवेदीले जानकारी दिनुभयो ।

गएको चैत २५ गते जिल्ला अदालत काठमाण्डौले नेपाल–भारत मैत्री पशुपति धर्मशालामा आनन्द बतास समूहले सञ्चालन गरिरहेको होटलको पक्षमा अन्तरकालीन आदेश दिएको थियो ।

त्यो अन्तरकालीन आदेशविरुद्ध पशुपति क्षेत्र विकास कोषले निवेदन दिएको थियो । निवेदनको आजसुनुवाइ गर्दै न्यायाधीश पोखरेलको इजलासले पशुपति क्षेत्र विकास कोष र बतास समूहबीचको करार भङ्ग भइसकेकाले पुनः होटल सञ्चालन गर्न दिनु कानुनअनुसार नहुने भन्दै अन्तरकालीन आदेश बदर गरिदिएको विकास काषेले जनाएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्