खप्तड–शैलेश्वरी म्याराथनमा सेनाका अमलदार सुशीलकुमार शाही प्रथम

जेठ ३०, २०७९ सोमबार ११:२:१ | विमल बिष्ट

डाेटी - सुदूरपश्चिमको पर्यटन प्रवर्द्धनका लागि आयोजना गरिएको खप्तड–शैलेश्वरी म्याराथन २०७९ प्रतियोगितामा सुशीलकुमार शाही प्रथम हुनुभएको छ ।

‘सुन्दर सुदूरपश्चिम खप्तड–शैलेश्वरी म्याराथन २०७९’ नाम दिइएको प्रतियोगितामा भवानी बक्स गण अछामका अमलदार शाही प्रथम हुनुभएको हो । बिहान ६ बजे खप्तडको त्रिवेणी मन्दिरबाट सुरु भएको म्याराथन दौडमा उहाँ २ घण्टा १८ मिनेट ३१ सेकेन्डमा शैलेश्वरी मन्दिर सिलगढी पुग्नु भएको हो ।

प्रमुख पर्यटकीय स्थल खप्तड राष्ट्रिय निकुञ्जदेखि डोटीको दिपायल सिलगढी नगरपालिका–६ सिलगढीमा रहेको शैलेश्वरी मन्दिरसम्म ३२ किलोमिटरको म्याराथन प्रतियोगिता सञ्चालन गरिएको थियो ।

यसैगरी, म्याराथनमा रणबम गण डडेलधुराका सिपाही नरेशसिंह बोहरा दोस्रा हुनुभएको छ भने रणबम गणकै सिपाही रामसिंह पाल तेस्रो हुनुभएको छ । म्याराथनमा १ सय २० जना सहभागी भएका थिए ।

म्याराथनमा प्रथम हुनेले १ लाख रुपैयाँ, दोस्रो हुनेले ७५ हजार रुपैयाँ र तेस्रो हुनेले ५० हजार रुपैयाँ पुरस्कार पाएका छन् । यसैगरी ५ जनालाई १० हजार रुपैयाँका दरले सान्त्वना पुरस्कार र ३२ जनालाई प्रोत्साहन स्वरुप ३ हजार रुपैयाँ दिइएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्