रोग पत्ता नलाग्दा डोटीमा दिनहुँ चौपाया मर्दै

 असोज ६, २०७५ शनिबार १४:२:० | विमल बिष्ट

डोटी – डोटीमा चौपाया मर्ने रोगको कारण अझै पत्ता लागेको छैन । रोग पत्ता नलाग्दा स्थानीय किसानका दजर्नौ चौपायाहरु धमाधम मर्न थालेका छन् । 

करिब दुई महिनायतादेखि फैलिएको अज्ञात रोगका कारण डोटीमा दर्जनौं चौपाया मर्न थालेका हुन् । गाउँभरीमा चौपाया धमाधम मर्न थालेपनि रोगको कारण पत्ता लगाउन सकिएको छैन । 

जिल्लामा रोगको कारण पत्ता लगाने पशु चिकित्सक नहुँदा चौपाया मर्ने समस्या बढेको छ । जिल्लाको शिखर नगरपालिका १० बानेडुग्रीसैनमा केही महिना यतादेखि फैलिएको उक्त अज्ञात रोगका कारण पशुहरु धमामध मर्न थालेको स्थानीय वीरबहादुर बलायरले बताउनुभयो ।

उहाँले भन्नुभयाे, ‘चौपायाहरुमा अनौठो रोग आएको छ, धमाधम मर्न थालेका छन् गाउँमा चौपायाहरु सकिने अवस्था भैसक्यो ।’ 

रोगका कारण भैंसी, गोरु तथा गाई मर्न थालेका छन् । जिल्ला पशु सेवा कार्यालय डोटीले त्यस ठाउँका पशु चौपायामा कुन रोग लागेको हो अहिले सम्म पत्ता लगाउन नसकेको वडा अध्यक्ष मिनबहादुर बलायरले जानकारी दिनुभयो । उहाँकाअनुसार उक्त रोगकाकारण अहिलेसम्मकम्तिमापनि ५० वटा चौपाय मरिसकेका छन् भने दजर्नौ चौपाया रोगकाकारण थला परेका छन् ।

चौपायाको मुखमा र्‍याल आउने, काँप्ने, छट्पटाउने र खाना-पानी नखाने लक्षण देखिने गरेको र पछि चौपाया मर्ने गरेको स्थानीयबासी बताउँछन् । 

नगरपालिकामा रहेको पशु सेवा इकाइ कार्यालयबाट प्राविधिक गएपनि रोग पत्ता लगाउन नसकेको स्थानीय हर्कबहादुर बलायरले बताउनुभयो ।

इकाइ कार्यालयमा रहेको सामान्य औषधि प्रयोग गरिएको भए पनि औषधिले खासै काम गर्न नसकेको प्राविधिक जयप्रकाश मल्लले बताउनुभयो । ‘चौपायाको गोबर जाँचको लागि धनगढी पठाएका छौं’, उहाँले भन्नुभयो ‘रिपोर्ट नआएकोले यहि रोग लागेको हो भन्न सकिने अवस्था छैन ।’
 

अन्तिम अपडेट: मंसिर ७, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ । 

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

बगेर खेर गइरहेछ भोटको नुन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई