जुम्ला–कालीकोट सडकमा पहिरो हटाउन पहल, केही ठाउँमा ढुङ्गा फुटाउन 'ब्लास्टिङ' गर्नुपर्ने

 असोज २८, २०७९ शुक्रबार १५:२४:३५ | नेत्र शाही
unn.prixa.net

कर्णाली राजमार्गको रारालिही खण्डमा पहिरो पन्छाइँदै । तस्बिर : नेत्र शाही, जुम्ला

जुम्ला – कर्णाली राजमार्गअन्तर्गत जुम्ला–कालीकोट सडक खण्डको पहिरो हटाउन सुरक्षा निकाय र पालिकाले प्रयास गरिरहेका छन् । गएको हप्ता परेको पानीका कारण पहिरो जाँदा कर्णाली राजमार्ग बन्द भएको छ । जुम्ला–कालीकोट खण्ड छिटो खुलाउनका लागि पालिका र सुरक्षा निकाय जुटेका जुम्लाका प्रमुख जिल्ला अधिकारी मुकेशकुमार केशरीले जानकारी दिनुभयो ।

जुम्लाको तिला गाउँपालिका रारालिहीमा तीन किलोमिटर खण्डमा पहिरो गएर राजमार्ग बन्द छ । रारालिहीमा तीन वटा एक्स्काभेटर प्रयोग गरिएको छ । केही ठाउँमा ढुङ्गा फुटाउन 'ब्लास्टिङ' गर्नुपर्ने भएकाले सेना पनि खटिएको प्रमुख जिल्ला अधिकारी केशरीले बताउनुभयो । बाटो खुलाउन अझै तीन दिन लाग्ने उहाँले बताउनुभयो ।

यस्तै नाग्म–गमगडी राजमार्गको आठदेखि १० ठाउँमा पहिरो गएर सडक बन्द भएको छ । हिमा गाउँपालिका नाग्म–गमगडी सडकको भूगोलपाटा, बाजागाडा, बड्की, देवारगाउँ, आचार्यलिहीमा पहिरो गएको छ ।त्यस क्षेत्रमा कनकासुन्दरी गाउँपालिका र हिमा गाउँपालिकाले डोजर प्रयोग गरेर सडक खुलाउने प्रयास गरिरहेका छन् ।

मुगु खण्डमा पर्ने सात घुम्ती, पिना, टोप्ला, झ्यारी ताल्चा, तुमालगायतका क्षेत्रमा पनि पहिरो गएको छ । त्यहाँको पहिरो पन्छाउन सेना खटिएको छ । 

अन्तिम अपडेट: मंसिर १३, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ । 

तपाईको प्रतिक्रिया

समाचार

लोकप्रिय

१

निजामती कर्मचारी ऐन संशोधन माथि छलफल शुरू

२

विद्रोहीले कब्जा गरेसँगै सिरियामा इजरायलको हवाई आक्रमण

३

रौतहट जीप दुर्घटना अपडेट : ज्यान गुमाउने आठ जनाको परिचय खुल्यो

४

लामिछानेमाथि भइरहेको अनुसन्धानलाई प्रभावित पार्ने गरी गतिविधि नगर्न गृहमन्त्री लेखकको आग्रह

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई