जलवायु परिवर्तनका कारण मध्यपूर्वमा खाद्यान्न र पानी अभावको उच्च जोखिम

कात्तिक १७, २०७९ बिहीबार ६:२५:३१ | एजेन्सी

जलवायु परिवर्तनका कारण मध्यपूर्वमा पानी र खाद्यान्नको अभाव थप बढ्ने जोखिम रहेको प्रतिवेदन सार्वजनिक भएको छ । पानी र खाद्यान्नको अभाव तथा उच्च गर्मीको जोखिम रहेको ग्रीनपिसले सार्वजनिक गरेको अध्ययन प्रतिवेदनले देखाएको छ ।

इजिप्टमा हुने संयुक्त राष्ट्र सङ्घीय जलवायु सम्मेलनको केही दिनअघि प्रकाशित ‘लिभिङ अन द एज’ शीर्षकको प्रतिवेदन इजिप्ट, अल्जेरिया, लेबनान, मोरक्को, ट्युनिसिया र संयुक्त अरब इमिरेट्समा केन्द्रित छ । मध्यपूर्वमा विश्वको औसतभन्दा झण्डै दुई गुणा छिटो तापक्रम वृद्धि भइरहेको छ । जसले गर्दा खाद्यान्न र पानीको आपूर्ति जलवायु परिवर्तनका कारण अत्यन्त संवेदनशील बनेको प्रतिवेदनमा उल्लेख छ ।

प्रतिवेदनमा समेटिएका छ वटा देशका सबै क्षेत्रमा पानीको अभावको उच्च जोखिम हुने र यसले कृषि तथा मानव स्वास्थ्यमा नकारात्मक प्रभाव पार्ने समेत उल्लेख छ । खडेरी र पानीको अभावले अबको दशकमा बाली उत्पादनमा असर पार्न सक्छ । यसले खाद्यान्न आयातमा निर्भरता बढाउने देखिएको छ।

ग्रीनपीस रिसर्च लेबोरेटरिजका विज्ञान परामर्शदाता क्याथरिन मिलरले सन् १९८० को दशकदेखि मध्यपूर्व क्षेत्रमा प्रति दशक ० दशमलव ४ डिग्री सेल्सियसको दरले तापक्रम बढिरहेको बताउनुभयो । खाडी क्षेत्रमा गर्मीमा तापक्रम ५६ डिग्री सेल्सियसभन्दा धेरै हुन सक्ने रिपोर्टमा उल्लेख छ।

इजिप्टमा आइतवारदेखि सुरु हुने संयुक्त राष्ट्र सङ्घको कोप–२७ जलवायु सम्मेलनअघि ग्रीनपिसको यो अध्ययन प्रतिवेदन सार्वजनिक भएको हो । जलवायु परिवर्तनसम्बन्धी यो सम्मेलनमा झण्डै दुई सय देशका प्रतिनिधि सहभागी हुँदैछन् । गएको वर्ष स्कटल्यान्डमा कोप–२६ सम्मेलन भएको थियो।

अन्तिम अपडेट: पुस ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जलवायु परिवर्तनका कारण मध्यपूर्वमा खाद्यान्न र पानी अभावको उच्च जोखिम

तस्बिर : एजेन्सी

तपाईको प्रतिक्रिया