युवा विद्यार्थीलाई सचेत बनाउन साइबर सुरक्षा कार्यक्रम, अमेरिकी प्रशिक्षकले तालिम दिने

कात्तिक २४, २०७९ बिहीबार २०:२७:२० | उज्यालो सहकर्मी

काठमाण्डाै – युवा विद्यार्थीलाई सचेत बनाउनका लागि काठमाण्डौमा एथिकल ह्याकिङ र साइबर सुरक्षासम्बन्धी कार्यक्रम हुने भएको छ ।

डिजिटल अपराधमा एथिकल ह्याकरको भूमिका नाम दिइएको कार्यक्रम भाेलि शुक्रवार बिहान १० बजे डिल्लीबजारमा रहेको सफ्टवेरिका कलेजमा हुनेछ । यो कार्यक्रम 'प्लस टु' र स्नातक तह अध्ययन गरिरहेका विद्यार्थीलाई लक्षित गरिएको कलेजले जानकारी दिएको छ । कार्यक्रममा सहभागी हुन अनलाइनमार्फत नाम दर्ता गर्न सकिनेछ ।

कार्यक्रममा अमेरिकाको गुप्तचर विभागको नेशनल कम्प्युटर फोरेन्सिक इन्स्टिच्युट, नेशनल ह्वाइट कलर क्राइम सेन्टर, नर्थइस्ट काउन्टर ड्रग ट्रेनिङ सेन्टर, फेडरल ब्युरो अफ इन्भेस्टिगेशनको टेक्नोलोजी विभाग, फिल्ड डिभिजनबाट प्रशिक्षित भएका प्रशिक्षक रोबर्ट भ्यानवेले ह्याकिङबारे जानकारी दिनुहुनेछ ।

प्रशिक्षक राेबर्टकाे विशेषज्ञता कम्प्युटर र वित्तीय अपराधमा छ । विशेषगरी अनलाइन धोखाधडी, कम्प्युटर, नेटवर्क ह्याकिङ, बालबालिकाको अनलाइन शोषण र मानव तस्करी अनुसन्धानमा उत्कृष्ट भएर न्युयोर्क राज्यका महान्यायाधिवक्ता र फेडरल ब्युरो अफ इन्भेस्टिगेशनबाट उहाँ पुरस्कृत हुनुभएको थियो ।

कार्यक्रम सफ्टवेरिका कलेजको फेसबुकमार्फत पनि प्रत्यक्ष प्रसारण हुने जानकारी दिइएकाे छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्