रुस–युक्रेन युद्धको कडा शब्दमा निन्दा गर्दै जी–२० शिखर सम्मेलन सम्पन्न

जी–२० को अध्यक्षता भारतीय प्रधानमन्त्री मोदीलाई हस्तान्तरण

कात्तिक ३०, २०७९ बुधबार १९:३९:८ | एजेन्सी

रुस–युक्रेन युद्धको कडा शब्दमा निन्दा र युक्रेनको भूमिबाट विना सर्त रुसी सेना फिर्ता गर्न माग गर्दै जी–२० शिखर सम्मेलन सम्पन्न भएको छ ।

इन्डोनेसियाको राजधानी बालीमा हिजो मङ्गलवार सुरु भएको विश्वका ठूला अर्थतन्त्र भएका देशहरूको सङ्गठन जी–२० को शिखर सम्मेलन आज बुधवार सकिएको हो । सम्मेलनले पाँच बुँदे घोषणापत्र सार्वजनिक गरेको रोयटर्सले जनाएको छ ।

सम्मेलनमा सहभागी धेरैजसो देशका नेताहरूले युद्धका लागि रुसलाई जिम्मेवार ठहराउँदै विश्वमा खाद्य सङ्कट र सुरक्षा चिन्ता बढेको बताएका थिए । युद्धले विश्व अर्थतन्त्र नै समस्यामा पारेको भन्दै उनीहरूले फेरि एक पटक सबै युद्ध अन्त्यका लागि सहमत हुनुपर्ने जोड दिएका छन् ।

घोषणापत्रमा आणविक हतियारको प्रयोग वा प्रयोगको धम्की अस्वीकार्य भएको पनि उल्लेख रहेको बीबीसीले जनाएको छ । हिजो पोल्यान्डकाे भू–भागमा क्षेप्यास्त्र खस्दा दुई जनाको ज्यान गएपछि जी–२० मा आपत्कालीन बैठक बस्दा शिखर सम्मेलनको तालिकासमेत प्रभावित भएको थियो ।

सम्मेलन सकिएसँगै इन्डोनेसियाका राष्ट्रपति जोको विडोडोले जी–२० को अध्यक्षता भारतका प्रधानमन्त्री नरेन्द्र मोदीलाई प्रदान गर्नुभएको रोयटर्सले जनाएको छ ।

अन्तिम अपडेट: पुस ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रुस–युक्रेन युद्धको कडा शब्दमा निन्दा गर्दै जी–२० शिखर सम्मेलन सम्पन्न

जी–२० को अध्यक्षता भारतीय प्रधानमन्त्री मोदीलाई हस्तान्तरण

फाइल फाेटाे

तपाईको प्रतिक्रिया