‘हजार जुनी सम्म’मा महंगो पारिश्रमिक लिँदै आर्यन सिग्देल

असोज २१, २०७५ आइतबार ११:४४:५ | उज्यालो सहकर्मी

चलचित्र नाई नभन्नु ल को सफल प्रदर्शन पश्चात निर्देशक विकासराज आचार्य अर्को चलचित्रका निम्ति कस्सिएर लागेका छन् । आचार्यले निर्देशन गर्न लागेको नयाँ चलचित्र ‘हजार जुनी सम्म’का लागि कलाकारहरुको छनोट भइरहेको छ ।

निर्देशक आचार्यले नयाँ चलचित्रका लागि नायिका स्वस्तिमा खड्कालाई केही समय अघि नै अनुबन्धित गरिसकेका छन् । अब भने चलचित्रका निम्ति अधिकांश कलाकार फाइनल भएको निर्देशक आचार्यले जानकारी दिए ।

चलचित्रका लागि नायक आर्यन सिग्देल पनि फाइनल भएको बुझिएको छ । नायक आर्यन सिग्देल आफैँले निर्माण गरेको चलचित्र कायरा प्रदर्शन पश्चात खाली नै थिए । उनले निर्माण गरेको चलचित्र कायराले औषत व्यापार गरेको थियो ।

नायक आर्यन सिग्देल चलचित्र ‘हजार जुनी सम्म’का निम्ति महंगो पारिश्रमिकमा अनुवन्धित भएको बुझिएको छ । उनले १० लाख भन्दामाथि पारिश्रमिक लिएर चलचित्रमा लिखित सम्झौता गरेको बताइएको छ । चलचित्रका निम्ति आर्यन सिग्देलसँगै सलोन बस्नेत पनि फाइनल भएको बताइएको छ ।

निर्देशक आचार्य चलचित्रका निम्ति नयाँ नायकको खोजिमा थिए । नायकको खोजीकार्य पनि सम्पन्न भइसकेको विकासले बताए । चलचित्रका लागि नवनायक अकी प्रधान फाइनल भएको बताइएको छ उनी दिल्लीमा बस्दै आएका थिए।

विकासराज आचार्य र सामिप्यराज तिमिल्सिनाले संयुक्त रुपमा लेखेको चलचित्रमा नायिका प्रियंका कार्की पनि हुने लगभग फाइनल भएको बताइएको छ ।

–उज्यालो र गफगाफ डटकमको सहकार्य

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्