टाईगर कप भलिबल प्रतियोगिताको महिलातर्फ उपाधिका लागि दुई विभागीय क्लब एपिएफ र आर्मी खेल्ने

माघ १२, २०७९ बिहीबार १४:३०:२६ | सागर राज तिमिल्सिना

कास्की – तेस्रो टाईगर कप राष्ट्रिय तथा अन्तर्राष्ट्रिय आमन्त्रित खुल्ला क्लब भलिबल च्याम्पियनसिप प्रतियोगिताको महिलातर्फको उपाधिका लागि विभायीय क्लब एपिएफ र त्रिभुवन आर्मी खेल्ने भएका छन् ।

आज भएको सेमिफाइनलमा एपिएफले आयोजक गण्डकीलाई र आर्मीले न्यु डायमन्डलाई पराजित गर्दै फाइनलको यात्रा पक्का गरेका हुन् ।

विभागीय क्लब एपिएफले आयोजक गण्डकीलाई ३–० को सोझो सेटमा पराजित गर्दै फाइनलमा स्थान सुरक्षित गरेको हो ।

पोखरा रंगशालाको भलिबल कोर्टमा आज भएको पहिलो सेमिफाइनल खेलमा एपिएफले गण्डकीलाई २५–१३, २५–१७ र २५–२१ ले हरायो ।

त्यस्तै दोस्रो सेमिफाइनल खेलमा आर्मीले न्यु डायमन्डलाई ३–१ को सेटमा पराजित गरेको छ । पहिलो सेट २५–२३ ले पराजित भएको आर्मीले दोस्रो सेट २५–१३ ले जित्दै खेलमा फर्किएको थियो ।

आर्मीले त्यसपछि तेस्रो सेट २५–२२ र चौथो सेट २५–१२ ले जित्दै फाइनलमा स्थान बनाउन सफल भयो ।

महिला–पुरुष दुवैतर्फ च्याम्पियन टोलीले पाँच–पाँच लाख रुपैयाँ र उपविजेता टिमले समान दुई लाख ५० हजार रुपैयाँ पुरस्कार प्राप्त गर्नेछन् ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सागर राज तिमिल्सिना

कास्कीमा रहेर पत्रकारिता गर्ने सागर उज्यालाेका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

टाईगर कप भलिबल प्रतियोगिताको महिलातर्फ उपाधिका लागि दुई विभागीय क्लब एपिएफ र आर्मी खेल्ने

फाइल तस्बिर

तपाईको प्रतिक्रिया