पर्वत र बाग्लुङका माझी समुदायले मनाए लदी पर्व

फागुन १७, २०७९ बुधबार १०:४४:३ | सन्तोष थापा

पर्वत – कालीगण्डकी नदी किनारमा बालुवा संकलन गरेर जीविकोपार्जन गर्दै आएका पर्वत र बाग्लुङका माझी तथा बोटे समुदायले नदीको पूजा गरि लदी पर्व मनाएका छन् । कुश्मा नगरपालिका १ मालढुङ्गा र बाग्लुङमा बसोबास गर्ने माझी समुदायले सयुंक्त रुपमा कालीगण्डकी नदीको पूजा गरेर लदी पर्व मनाएका हुन ।

लोपोन्मुख माझी तथा बोटे समुदायको मुख्य पेसा नदीमा माछा मारेर जीविकोपार्जन गर्ने हो । त्यसैले माझी तथा बोटे समुदायले नदीको पूजा गरेर आफ्नो पेसाको सम्मान गर्ने गर्छन् । सिमेन्टका घर बन्न थालेसँगै माझी समुदाय बालुवा संकलन पनि गर्दै आएकाे थियाे । तर पछिल्लो समय सरकारले नदीबाट बालुवा संकलन गर्न बन्द गरिदिएपछि आफूहरु समस्यामा परेको मालढुंगाका स्थानीयबासी बलबहादुर माझीले गुनासो गर्नुभयो ।

लदी पर्वमा कुश्मा नगरपालिकाका प्रमुख रामचन्द्र जोशी पनि उपस्थित हुनुभएकाे थियाे । उहाँले माझीबोटे समुदायको परम्परागत पेसा संरक्षण गर्न र अन्य बैकल्पिक पेसा पनि अँगाल्न नगरपालिकाले सहयोग गर्ने बताउनुभयो ।

पर्वत जिल्लाको जनसंख्या १ लाख ३२ हजार मध्ये ० दशमलव ७ प्रतिशत अर्थात ९ सय ८० मात्रै माझी समुदायको बसोबास रहेको छ । पर्वतमा विशेष गरी कालीगण्डकी नदी किनारको मालढुंगा र विहादी गाउँपालिकाको इमिचौरमा माझी समुदायको बसोबास रहेकाे छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्तोष थापा

पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्