डोटीमा प्राविधिक मूल्यांकनपछि मात्र सडक निर्माण गरिने

कात्तिक ९, २०७५ शुक्रबार १९:४२:३५ | विमल बिष्ट

डोटी – डोटीको दिपायल सिलगढी नगरपालिकाले प्राविधिक मूल्यांकन पछि मात्र डोटीमा सडक निमार्ण गर्ने निर्णय गरेको छ ।

डोजर अपरेटर नै इञ्जिनियर भएर उनीहरुकै सनकका भरमा सडक निर्माण गर्दा दुर्घटना बढेको भन्दै आलोचना हुन थालेपछि दिपायल सिलगढी नगरपालिकाले यस्तो निर्णय लिएको हो ।

प्राविधिक मूल्यांकन नगरेरै सडक निर्माण गर्ने परम्पराको अन्त्य गर्ने दिपायल सिलगढी नगरपालिका प्रमुख मञ्जु मलासीले बताउनुभयो । उहाँले भन्नुभयो, ‘प्राविधिक मूल्यांकन बिना काटिएका सडकमा बढी दुर्घटना भयो भन्ने गुनासो आयो, अब प्राविधिक मूल्यांकन बिनाका सडक काट्ने काम रोक्छु ।’

सडकको गुणस्तरभन्दा पनि उभोक्ता समितिले भने अनुसारका सडक निर्माण गर्दा गुणस्तर कायम हुन नसकेकाले अनिवार्य सर्वे गर्नु परेको नगरप्रमुख मलासीको भनाई छ । पछिल्लो समय डोटी जिल्ला भरीमा प्राविधिक मूल्यांकन बिना ग्रामिण सडक निर्माणको काम धामधम भइरहेको छ ।

सडक बिना अध्ययन निर्माण हुँदा कहिले बजेटको अभाव हुने, कहिले खेती योग्य जमिन नष्ट हुने गरेको स्थानीयको आरोप छ । सडक निर्माण बाढी पहिरो र भू–क्षयलाई समेत बढबा दिएकोले सबै जनप्रतिनिधिहरूले डीपीआर र प्राविधिक अध्ययनपछि मात्र भौतिक निर्माणको कार्य थालनी गर्ने सहमति गरेको नगरपालिका प्रमुख प्रशासकीय अधिकृत भोजराज शर्माले बताउनुभयो ।

नगरपालिकाले ठूला योजनाको अनिवार्य डीपीआर गर्ने र साना योजनाको प्राविधिक मूल्यांकन अनिवार्य गर्ने निर्णय गरेको हो । प्राविधिक मूल्यांकनपछि मात्र कामका लागि उभोक्ता समितिसँग कामको सम्झौता गर्ने नगरपालिकाले जनाएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

डोटीमा प्राविधिक मूल्यांकनपछि मात्र सडक निर्माण गरिने

प्रतिकात्मक तस्बिर

तपाईको प्रतिक्रिया